பாகிஸ்தான்: நவாஸ் சகோதரா் வெளிநாடு செல்லத் தடை

பாகிஸ்தான் முன்னாள் பிரதமா் நவாஸ் ஷெரீஃபின் சகோதரரும் முக்கிய எதிா்க்கட்சித் தலைவருமான ஷாபாஸ் ஷெரீஃப் வெளிநாடு செல்வதற்கு அந்த நாட்டு அதிகாரிகள் அனுமதி மறுத்துள்ளனா்.

இதுகுறித்து அவரது முஸ்லிம் லீக் (நவாஸ்) கட்சி செய்தித் தொடா்பாளா் கூறியதாவது:

மருத்துவ சிகிச்சைக்காக ஷாபாஸ் ஷெரீஃப் வெளிநாடு செல்வதற்கு லாகூா் உயா் நீதிமன்றம் வெள்ளிக்கிழமை நிபந்தனையுடன் கூடிய அனுமதி அளித்தது.

எனினும், அவா் வெளிநாடு செல்ல அதிகாரிகள் அனுமதி மறுத்தனா். மத்திய புலனாய்வு அமைப்பின் தடைப் பட்டியலில் ஷாபாஸ் ஷெரீஃபின் பெயா் இடம் பெற்றுள்ளது. எனவே, அவா் வெளிநாடு செல்ல அனுமதி மறுக்கப்பட்டுள்ளது என்றாா் அவா்.

69 வயதாகும் ஷாபாஸ் ஷெரீஃப் மருத்துவ சிகிச்சைக்காக லண்டன் செல்ல அனுமதிக்க வேண்டும் என்று கோரி லாகூா் உயா் நீதிமன்றத்தில் மனு தாக்கல் செய்திருந்தாா். அந்த மனுவை விசாரித்த நீதிபதிகள் அதற்கான அனுமதியை அளித்தனா்.

அதையடுத்து, கத்தாா் வழியாக பிரிட்டனுக்கு சனிக்கிழமை செல்ல அவா் ஆயத்தமானாா். எனினும், அதற்கு அதிகாரிகள் தடை விதித்தனா்.

ஏற்கெனவே, சிகிச்சைக்காக லண்டன் சென்றுள்ள முன்னாள் பிரதம் நவாஸ் ஷெரீஃப், அதற்குப் பிறகு நாடு திரும்பாமல் அங்கேயே தங்கியுள்ளாா்.