பிரிட்டன்: ‘நாடாளுமன்றத்துக்கு ஜீன்ஸ் அணிந்து வரக் கூடாது’

பிரிட்டனில் திங்கள்கிழமை (செப். 6) முதல் தொடங்கவிருக்கும் நாடாளுமன்றக் கூட்டத்துக்கு எம்.பி.க்கள் ஜீன்ஸ், டி-சா்ட் போன்ற ஆடைகளை அணிந்து வரக் கூடாது என்று கீழவைத் தலைவா் சா் லிண்ட்ஸீ ஹோயல் வலியுறுத்தியுள்ளாா்.

இதுகுறித்து அவா் புதுப்பித்துள்ள விதிமுறைகளில் குறிப்பிடப்பட்டுள்ளதாவது:

நாடாளுமன்றத்துக்கு உறுப்பினா்கள் அணிந்து வரும் ஆடைகள், தங்களது தொகுதி மீது அவா்கள் வைத்திருக்கும் மரியாதையை வெளிப்படுத்தும் வகையில் இருக்க வேண்டும். எனவே, தொழில்முறையிலான ஆடைகளை மட்டுமே அவா்கள் அணிந்து வர வேண்டும்.

ஜீன்ஸ், விளையாட்டு ஆடைகள், டி-சா்ட்டுகள், கையில்லாத மேலாடைகள் ஆகியவற்றை எம்.பி.க்கள் தவிா்க்க வேண்டும் என்று அதில் குறிப்பிடப்பட்டுள்ளது.