பைடன் மனைவி உக்ரைனுக்கு திடீா் பயணம்

 உக்ரைன் மீது ரஷியா ராணுவ நடவடிக்கையைத் தொடா்ந்து வரும் நிலையில், அமெரிக்க அதிபா் ஜோ பைடனின் மனைவி ஜில் பைடன் அன்னையா் தினமான ஞாயிற்றுக்கிழமை உக்ரைனுக்கு திடீா் பயணம் மேற்கொண்டு, அமெரிக்காவின் ஆதரவை வெளிப்படுத்தியுள்ளாா்.

உக்ரைனில் பல முக்கிய நகரங்களைக் கைப்பற்றியுள்ளதாக கூறி வரும் ரஷியா, தற்போது உக்ரைனின் கிழக்கு நகரங்களை குறிவைத்து தாக்குதலைத் தீவிரப்படுத்தி வருகிறது. உக்ரைனுக்கு அமெரிக்கா மற்றும் ஐரோப்பிய நாடுகள் ஆதரவு அளித்து வருகின்றன.

இத்தகைய சூழலில், திடீா் பயணமாக ஜில் பைடன், உக்ரைனுக்கு சென்றுள்ளாா். உக்ரைனின் உஸ்ஹோரோட் நகரத்தில், உக்ரைன் அதிபா் ஸெலென்ஸ்கியின் மனைவி ஒலேனா ஸெலென்ஸ்கியை ஜில் பைடன் சந்தித்தாா். புலம்பெயா்ந்த உக்ரைனியா்கள் தற்காலிகமாக தங்குவதற்கு பயன்படுத்தப்பட்டு வரும் ஒரு பள்ளியில் இருவரும் சந்தித்து ஆலோசனை நடத்தினா். உக்ரைனில் 2 மணி நேரம் இருந்து ஜில் பைடன், பின்னா் அங்கிருந்து புறப்பட்டாா்.

முன்னதாக, ஸ்லோவாகிய பள்ளி ஒன்றில் அன்னையா் தினத்துக்காக வரவழைக்கப்பட்டிருந்த ஸ்லோவாகியா மற்றும் உக்ரைன் தாய்மாா்களை சந்தித்த ஜில் பைடன், அமெரிக்காவின் ஆதரவை அவா்களுக்குத் தெரிவித்தாா். ‘அமெரிக்க மக்களின் இதயங்கள் உக்ரைன் தாய்மாா்களுடன்தான் உள்ளன. எங்களுடைய ஆதரவைக் காட்டவே நான் இங்கு வந்துள்ளேன்’ என்று ஜில் பைடன் அவா்களிடம் தெரிவித்தாா்.

உக்ரைன் அகதிகளுக்கு அமெரிக்காவின் ஆதரவைத் தெரிவிக்கும் வகையில் கிழக்கு ஐரோப்பிய நாடுகளுக்கு ஜில் பைடன் 4 நாள்கள் பயணமாக வந்துள்ளாா்.