டயானா காதலரின் தந்தை முகமது அல் ஃபயீத் காலமானார்! 

எகிப்து தொழிலதிபரும், ஹரோட்ஸ் முன்னாள் உரிமையாளருமான முகமது அல் ஃபயீத் காலமானதாக அவரது குடும்ப உறுப்பினர்கள் உறுதிப்படுத்தியுள்ளனர். 

பிரிட்டன் முன்னாள் இளவரசி டயானாவின் காதலர் டோடியின் தந்தை முகமது அல் ஃபயீத்(94). வயது மூப்பு காரணமாக  ஆகஸ்ட் 30-ம் தேதி காலமானார். ரீஜண்ட்ஸ் பார்க் மசூதியில் இவரது உடல் வைக்கப்பட்டு பிரார்த்தனைகள் நடைபெற்றன. பின்னர், 226 ஏக்கர் கொண்ட குடும்ப கல்லறையில் தனது மகன் டோடியின் கல்லறைக்கு அருகில் அவரது உடல் அடக்கம் செய்யப்பட்டுள்ளது.

முகமது, பாரிஸில் உள்ள ரிட்ஸ் உணவகம் மற்றும் பிரீயர் லீக் கிளப் புல்ஹாமின் தலைவராக இருந்தவர். 

இவர் 1954ல் சமிரா கஷோகியை மணந்தார். பின்னர் எகிப்தில் கப்பல் நிறுவனத்தைத் தொடங்குவதற்கு முன்பு, ஆயுத வியாபாரியான அட்னான் கஷோகி நிறுவனத்தில் பணியாற்றினார். இவர் நிதி ஆலோசகராகவும் இருந்தவர். 

படிக்க: ஆதித்யா -எல்1: இஸ்ரோ விஞ்ஞானிகளுக்கு பிரதமர் மோடி வாழ்த்து!

முகமது-சமிரா கஷோகி தம்பதிக்கு டோடி என்ற மகன் இருந்தார். 1985ல் ஹெய்னி வாதேமையுடன் இரண்டாவதாக திருமணம் நடைபெற்றது. இவர்களுக்கு கமிலா, ஓமர், ஜாஸ்மின் மற்றும் கரீம் உள்பட நான்கு குழந்தைகள் ஆவார்.