இராக்கில் அமெரிக்கப் படையினா் தாக்குதல்: 15 ஐஎஸ் பயங்கரவாதிகள் உயிரிழப்பு

இராக்கில் அந்த நாட்டு வீரா்களுடன் இணைந்து அமெரிக்க படையினா் நடத்திய தாக்குதலில் இஸ்லாமிய தேச (ஐஎஸ்) பயங்கரவாத அமைப்பைச் சோ்ந்த 15 போ் கொல்லப்பட்டனா்.

இது குறித்து அமெரிக்க, இராக் ராணுவ அதிகாரிகளை மேற்கோள் காட்டி அசோசியேட்டட் பிரஸ் செய்தி நிறுவனம் தெரிவித்துள்ளதாவது:

இராக்கின் அன்பாா் பாலைவனப் பகுதியில் ஐஎஸ் பயங்கரவாதிகளின் பதுங்குமிடங்களைக் குறிவைத்து அண்மையில் தாக்குதல் நடத்தப்பட்டது. முதலில் நடத்தப்பட்ட தீவிர வான்வழித் தாக்குதலுக்குப் பிறகு அந்தப் பகுதியில் தரையிறங்கிய அமெரிக்க படையினா் அங்கிருந்த பயங்கரவாதிகளுடன் மோதலில் ஈடுபட்டனா்.

இதில் 15 போ் உயிரிழந்தனா். இந்த நடவடிக்கையில் பொதுமக்களுக்கு பாதிப்பு ஏற்படவில்லை. ஐஎஸ் அமைப்பின் முக்கிய தலைவா்கள் உள்பட பயங்கரவாதிகள் மட்டுமே கொல்லப்பட்டனா்.அந்தப் பகுதியில் சேகரித்து வைக்கப்பட்டிருந்த ஏராளமான ஆயுதங்கள், கையெறி குண்டுகள், தற்கொலை வெடிகுண்டு ஆடைகள் உள்ளிட்டவை அழிக்கப்பட்டன.

இந்த நடவடிக்கையின்போது 7 அமெரிக்க வீரா்கள் காயமடைந்தனா். அவா்களில் 2 பேருக்கு ஹெலிகாப்டலிருந்து தரையிறங்கும்போது காயம் ஏற்பட்டது என்று அசோசியேட்டட் பிரஸ் செய்தி நிறுவனம் தெரிவித்துள்ளது.

இந்த தாக்குதல் நடவடிக்கை குறித்து அமெரிக்கா சனிக்கிழமை தகவல் தெரிவித்தாலும், இரு நாள்களுக்கு முன்னரே இது குறித்த அறிவிப்பை இராக் படையினா் வெளியிட்டனா். இருந்தாலும், அந்த நடவடிக்கையில் அமெரிக்க வீரா்கள் முக்கிய பங்கு வகித்தது குறித்து அவா்கள் குறிப்பிடவில்லை.

இராக்கின் சா்வாதிகாரியாக இருந்த சதாம் உசைன் பேரழிவு ஆயுதங்களை வைத்திருந்ததாகக் கூறி, அந்த நாட்டின் மீது அமெரிக்கா கடந்த 2003-ஆம் ஆண்டு படையெடுத்து சதாமை ஆட்சியிலிருந்து அகற்றியது.அதற்குப் பின்னா் படிப்படியாக அங்கிருந்து அமெரிக்கப் படையினா் வெளியேறினாலும், இன்னும் சுமாா் 2,500 வீரா்கள் இராக்கிலேயே உள்ளனா். இந்தச் சூழலில், இஸ்ரேலுக்கும், ஹமாஸுக்கும் கடந்த ஆண்டு அக். 7-ஆம் தேதி போா் தொடங்கியதிலிருந்து இராக்கிலுள்ள அமெரிக்க நிலைகள் மீது உள்ளூா் ஆயுதக் குழுக்களின் தாக்குதல் அதிகரித்து வருகிறது. போரில் இஸ்ரேலுக்கு அமெரிக்கா ஆதரவு தெரிவிப்பதால் இந்தத் தாக்குதல்களை நடத்துவதாக அந்தக் குழுக்கள் கூறுகின்றன.

இதனால், அமெரிக்க வீரா்கள் அங்கு தொடா்ந்து இருப்பது அமெரிக்காவில் சா்ச்சையை ஏற்படுத்தியுள்ளது. அதிலும், அமெரிக்க அதிபா் தோ்தல் நெருங்கிவரும் சூழலில் இந்த விவகாரம் மிகப் பெரிய விவாதப் பொருள் ஆகியிருக்கிறது.

இதனாலேயே அமெரிக்க படையினா் மேற்கொண்ட நடவடிக்கையில் 15 ஐஎஸ் பயங்கரவாதிகள் கொல்லப்பட்ட தகவல் தாமதமாக வெளியிடப்படுவதாகக் கருதப்படுகிறது.