வேளச்சேரி - பரங்கிமலை இடையே பறக்கும் ரயில் சேவை: நாளை முதல் தொடக்கம்கோடைக்கால மின்தேவை: 9,000 மெகாவாட்டை கடக்கும் என எதிா்பாா்ப்புவார இறுதி விடுமுறைக்கு 865 சிறப்பு பேருந்துகள்வணிக சமையல் எரிவாயு உருளை தட்டுப்பாடு: உணவகங்களில் உணவுப் பொருள்களின் விலை உயா்வுதமிழகத்தில் மாா்ச் 15 வரை வெப்பநிலை உயர வாய்ப்புஇந்தியா, சீனா உள்பட 16 நாடுகளுக்கு எதிராக புதிய விசாரணையைத் தொடங்கிய அமெரிக்கா : நியாயமற்ற வா்த்தக நடைமுறைகளுக்கு எதிராக நடவடிக்கை
/

இஸ்ரேல் மீது பாய்ந்த 60 ஏவுகணைகள்!

ஹமாஸ் இரண்டாம் நிலைத் தலைவர் கொல்லப்பட்டதற்கு பதிலளிக்கும் வகையில், இஸ்ரேல் மீது 60 ஏவுகணைகள் ஏவப்பட்டுள்ளதாக ஹெஸ்புல்லா அமைப்பு தெரிவித்துள்ளது. 

News image
கோப்புப்படம்.
Updated On :6 ஜனவரி 2024, 11:15 am

DIN

ஹமாஸ் அமைப்பின் இரண்டாம் நிலைத் தலைவரைக் கொன்றதற்கு பதிலடி கொடுக்கும் வகையில் இஸ்ரேல் மீது 60 ஏவுகணைகளை ஹெஸ்புல்லா அமைப்பு சனிக்கிழமை காலை ஏவியுள்ளது.

'சிறந்த தலைவரான ஷேக் சலே அல் அரூரியைக் கொலை செய்த குற்றத்திற்காக பதிலடி கொடுக்கவுள்ளோம். அதில் முதன்மைத் தாக்குதலாக இஸ்ரேலின் மெரோன் வான் கட்டுப்பாட்டு தளத்தைக் குறிவைத்து 62 பலவகைப்பட்ட ராக்கெட்டுகளை ஏவியுள்ளோம்' என ஹமாஸின் ஆதரவு அமைப்பான ஹெஸ்புல்லா தெரிவித்துள்ளது. 

கடந்த வெள்ளிக்கிழமை ஹெஸ்புல்லா தலைவர் ஹாஸன் நஸ்ரல்லா 'விரைவில் இதற்கான பதிலடி கொடுக்கப்படும்' என இஸ்ரேலுக்கு எச்சரிக்கை விடுத்திருந்தார்.  

ஹெஸ்புல்லா அமைப்பின் கட்டுப்பாட்டில் இருக்கும் தெற்கு பெய்ருட் பகுதியில் நடத்தப்பட்ட தாக்குதலில் அரூரி கொல்லப்பட்டார். இந்தத் தாக்குதல் இஸ்ரேலால் நடத்தப்பட்டது என அமெரிக்க பாதுகாப்பு அதிகாரி ஒருவர் தெரிவித்திருந்த நிலையில், இஸ்ரேல் இதற்கு பொறுப்பேற்று அறிவிக்கவில்லை. 

கடந்த ஆண்டு அக்டோபர் 7 முதல் தொடங்கியிருக்கும் இந்தப் போரில் இஸ்ரேல் லெபனான் எல்லையில் அடிக்கடி தாக்குதல்கள் நடைபெற்றபடி உள்ளன. அது பெரும்பாலும் இஸ்ரேல் மற்றும் ஹெஸ்புல்லா அமைப்புக்கு இடையேயான சண்டையாக இருக்கிறது. 

கிட்டத்தட்ட மூன்று மாதங்களாக தொடரும் இந்தத் தாக்குதல்களில் லெபனானில் 129 ஹெஸ்புல்லா போராளிகள் உள்பட 175 பேர் கொல்லப்பட்டுள்ளனர். அதில் 3 பத்திரிகையாளர்களும் அடங்குவர் எனத் தகவல் வெளியாகியுள்ளது. 

வடக்கு இஸ்ரேலில் இதுவரை ஒன்பது இஸ்ரேல் ராணுவ வீரர்கள் மற்றும் நான்கு பொதுமக்கள் இறந்துள்ளதாக இஸ்ரேல் அதிகாரிகள் தெரிவித்துள்ளனர். 

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.