ராணுவத்தில் தொழில் பயிற்சியாளர் பணிக்கு விண்ணப்பிக்கலாம்

ராணுவத்தில் தொழில் பயிற்சியாளர் பணிக்கு விண்ணப்பங்கள் வரவேற்கப்படுகின்றன.
இதுகுறித்து 515 ராணுவத் தளவாட பட்டறை (515  அழ்ம்ஹ் ஆஹள்ங் ரர்ழ்ந்ள்ட்ர்ல்) வெளியிட்டுள்ள செய்திக்குறிப்பு:  பெங்களூரு, அல்சூரில் உள்ள 515 ராணுவத் தளவாடப் பட்டறையில் டர்னர்,  மெஷினிஸ்ட்,  மெஷினிஸ்ட் கிரைண்டர்,  டூல் அண்ட் டை மேக்கர்(பிரெஸ் டூல் ஜிக்ஸ் மற்றும் ஃபிக்ஸ்சர்ஸ்), எலெக்ட்ரீஷியன், ஷீட்மெட்டல் வேலையாள் போன்ற வேலைகளுக்கு காலியாக உள்ள 51 தொழில் பயிற்சியாளர் பணியிடங்களை நிரப்பத் திட்டமிடப்பட்டுள்ளது.  இந்தப் பணியில் சேர ஆர்வமுள்ள,  தொழில் பயிற்சி மைய(ஐடிஐ)சான்றிதழ்(என்சிவிடி பாடத் திட்டம்)பெற்றுள்ளோர் கட்டளை அதிகாரிமற்றும் மேலாண் இயக்குநர், 515 ராணுவத் தளவாடப் பட்டறை,  அல்சூரு, பெங்களூரு-560008 என்ற முகவரிக்கு செப்.10-ஆம் தேதிக்குள் தன் விவரங்களுடன் விண்ணப்பங்களை அனுப்பி வைத்திட வேண்டும்.  அனைத்து வேலைகளுக்கும் ஓராண்டு பயிற்சி அளிக்கப்படுகிறது. இப்பயிற்சி பெறுவோருக்கு சட்ட விதிகளின்படி ஊக்குவிப்பு ஊதியம் வழங்கப்படும்.  நேர்காணல் அல்லது தேர்வு எழுத வருகைதரும்போது,  அதற்கான பயணப்படி, உணவுப்படி எதுவும் வழங்கப்பட மாட்டாது என்று அதில் கூறப்பட்டுள்ளது.