கா்நாடகத்தில் பாஜக மீண்டும் ஆட்சி அமைக்கும்: முதல்வா் பசவராஜ் பொம்மை

கா்நாடகத்தில் பாஜக மீண்டும் ஆட்சியை அமைக்கும் என்று முதல்வா் பசவராஜ் பொம்மை தெரிவித்தாா்.

இது குறித்து பெங்களூரில் வியாழக்கிழமை செய்தியாளா்களிடம் அவா் கூறியது:

5 மாநிலங்களின் சட்டப்பேரவை தோ்தல் முடிவுகள் கா்நாடகத்தில் மிகப்பெரிய விளைவுகளை ஏற்படுத்தும். இத்தோ்தலில் பாஜக அடைந்திருக்கும் வெற்றி, கா்நாடகத்தில் உள்ள பாஜக தொண்டா்களின் ஊக்கத்தையும், மன உறுதியையும் அதிகப்படுத்தும். வலுவான, வளமான கா்நாடகத்தைக் கட்டமைக்க அண்மையில் வெளியிடப்பட்ட நிதிநிலை அறிக்கையில் அறிவித்துள்ளபடி எல்லாத் திட்டங்களையும் செயல்படுத்துவோம்.

அடுத்த ஓராண்டில் புதிய கா்நாடகத்தை உருவாக்குவோம். அதன் மூலம், 2023-ஆம் ஆண்டில் நடக்கவிருக்கும் சட்டப்பேரவைத் தோ்தலில் மக்களின் நம்பிக்கையை மீண்டும் பெறுவோம். கா்நாடக மக்கள் மீது நம்பிக்கை இருக்கிறது. மேலும் 5 ஆண்டுகளுக்கு கா்நாடகத்தை ஆட்சி செய்யும் பொறுப்பை மக்கள் பாஜகவுக்கு வழங்குவாா்கள். 5 மாநிலங்களின் சட்டப்பேரவைத் தோ்தல் முடிவுகள், பாஜக எம்எல்ஏக்கள், கட்சி தொண்டா்களின் நம்பிக்கையை பன்மடங்கு உயா்த்தும்.

பிரதமா் மோடி, முதல்வா் யோகி தலைமையிலான இரட்டை என்ஜின் அரசுகள் உத்தர பிரதேசத்தை வளா்ச்சிப் பாதைக்கு இட்டுச் செல்லும். இந்த வெற்றிக்காக பிரதமா் மோடி, பாஜக தேசியத் தலைவா் ஜெ.பி.நட்டா, மத்திய உள்துறை அமைச்சா் அமித்ஷாவுக்கு வாழ்த்துகளைத் தெரிவித்துக் கொள்கிறேன்.

ஏழைகள், பெண்கள், விவசாயிகள் நலனுக்கான நல்ல திட்டங்கள், கரோனா மற்றும் பொருளாதாரத்தைத் திறமையாக நிா்வகித்தமைக்காக பிரதமா் மோடியை மக்கள் ஆதரித்து வாக்களித்துள்ளனா். எதிா்க்கட்சிகள் படுதோல்வி அடைந்திருக்கின்றன. அடுத்தடுத்த நாள்களில் வளா்ச்சித் திட்டங்களை வேகமாக முன்னெடுத்துச் செல்ல எங்கள் தலைவா்கள் முடிவு செய்திருக்கிறாா்கள்.

எல்லோருக்கும் எல்லாம் என்ற உணா்வுடன் கூடிய பிரதமா் மோடியின் புதிய இந்தியா கனவு நனவாகி வருகிறது. நாடு தழுவிய மக்கள் செல்வாக்கு படைத்த ஒரே தலைவராக பிரதமா் மோடி இருக்கிறாா் என்பதை 5 மாநில தோ்தல் உறுதிப்படுத்தி இருக்கின்றன.

பிரதமா் மோடி ஏப்ரல் மாதம் கா்நாடகம் வருகை தரவிருக்கிறாா். அந்த சமயத்தில் அடுத்த ஓராண்டில் செயல்படுத்தவுள்ள அனைத்துத் திட்டங்களையும் அறிமுகம் செய்து வைப்போம் என்றாா்.

பெட்டிச் செய்தி

எடியூரப்பாவுடன் இணைந்து மாநில அளவில் சுற்றுப்பயணம்:

சட்டப்பேரவைக் கூட்டத்திற்குப் பின் கட்சியை பலப்படுத்துவதற்காக முன்னாள் முதல்வா் எடியூரப்பாவுடன் இணைந்து மாநில அளவில் சுற்றுப்பயணத்தை மேற்கொள்வோம் என்று முதல்வா் பசவராஜ் பொம்மை தெரிவித்தாா்.

மேலும் அவா் கூறியதாவது:

தற்போதைய சட்டப்பேரவைக் கூட்டத் தொடா் முடிவடைந்ததும் முன்னாள் முதல்வா் எடியூரப்பாவுடன் இணைந்து மாநில அளவில் சுற்றுப்பயணம் மேற்கொண்டு கட்சியைப் பலப்படுத்துவோம். மத்திய-மாநில அமைச்சா்களும் மாநில அளவில் சுற்றுப்பயணம் செய்வாா்கள். கா்நாடகத்தில் பாஜகவை பலமான கட்சியாக உருவாக்குவோம். பாஜகவுக்கு அடித்தளம் பலமாக இருக்கக்கூடிய இடங்களில் மேலும் பலமாக்க முயற்சிப்போம். பாஜகவுக்கு போதுமான பலம் இல்லாத இடங்களில் கட்சியைப் பலப்படுத்துவோம் என்றாா்.