திமுக முன்னாள் எம்எல்ஏ வாக்கு சேகரிப்பு

பண்ருட்டி, அக். 8: பண்ருட்டி ஒன்றியப் பகுதியில் திமுக பண்ருட்டி ஒன்றிய செயலரும், முன்னாள் சட்டப் பேரவை உறுப்பினருமான சபா.ராஜேந்திரன் வீதிவீதியாகச் சென்று சனிக்கிழமை வாக்கு சேகரித்தார்.

 பண்ருட்டி ஒன்றியத்திற்கு உள்பட்ட மாவட்டக் குழு உறுப்பினர் வார்டு எண்-7, ஒன்றியக் குழு உறுப்பினர் வார்டு எண்கள் 10, 11, 15 ஆகிய பகுதிகளுக்கு உள்பட்ட சொரத்தூர், மானடிகுப்பம், வல்லம், நடுகுப்பம், கீழகுப்பம், ஆத்திரிகுப்பம், மேலிருப்பு, செம்மேடு, கருக்கை கிராமங்களில் திமுக வேட்பாளர்களை ஆதரித்து சபா.ராஜேந்திரன் வாக்கு சேகரித்தார்.

 ஜானகிராமலிங்கம், ஜெயலட்சுமிமுருகன், கலாராணி புருஷோத்தமன், சுமதிஏழுமலை ஆகிய வேட்பாளர்களும், மாவட்டக் குழு உறுப்பினர் ராஜா, ஒன்றிய இளைஞரணி அமைப்பாளர் ஞானமணி, துணை செயலர் தென்னரசு, பொருளாளர் பொன்னம்பலம், சொரத்தூர் சபா.பாலமுருகன், செம்மேடு ஏழுமலை உள்ளிட்டோரும் வாக்கு சேகரித்தனர்.