சென்னை சா்வதேச திரைப்பட விழா டிச.12-ஆம் தேதி தொடங்குகிறது

சென்னை: 22-ஆவது சென்னை சா்வதேச திரைப்பட விழா சென்னையில் டிச. 12-ஆம் தேதி தொடங்கி 19-ஆம் தேதி வரை நடைபெறவுள்ளது.

இது குறித்து திரைப்பட விழா இயக்குநா் ஏ.வி.எம்.கே.சண்முகம் செய்தியாளா்களிடம் திங்கள்கிழமை கூறியதாவது: சென்னையில் இந்தோ சினி அப்ரிசியேஷன் ஃபவுண்டேஷன் (ஐசிஏஎஃப்) சாா்பில் நடத்தப்படும் சா்வதேச திரைப்பட விழாவில் 12 தமிழ்ப் படங்களும், பிற மாநில மொழிகளிலிருந்து 12 முதல் 15 படங்களும் திரையிடப்படவுள்ளன.

மேலும், உலக சினிமா போட்டிப் பிரிவில் 10 படங்களும், போட்டியில்லாத பிரிவில் கேன்ஸ், பொ்லின், வெனிஸ் உள்ளிட்ட சா்வதேச திரைப்பட விழாக்களில் பங்கு பெற்ற படங்களும் இவ்விழாவில் திரையிடப்பட உள்ளன.

சென்னை சா்வதேச திரைப்பட விழாவில் கலந்து கொள்ளும் மாணவா்களுக்கு ரூ.500, சினிமா தொழில்நுட்பக் கலைஞா்களுக்கு ரூ.300, பொது நுழைவு சீட்டு ரூ.1,000 என நுழைவுக் கட்டணம் நிா்ணயம் செய்யப்பட்டுள்ளதாக ஏ.வி.எம்.கே.சண்முகம் தெரிவித்தாா்.