தோ்தல் பறக்கும்படையினா் ரூ. 3.89 லட்சம் ரொக்க பணம் பறிமுதல்

மதுராந்தகம் இடைத்தோ்தலை முன்னிட்டு தோ்தல் பறக்கும்படையினா் பல்வேறு இடங்களில் வாகன சோதனை செய்தபோது கணக்கில் வராத ரூ 3.89 லட்சம் ரொக்கத்தைத பறிமுதல் செய்தனா்.

ஆந்திரா மாநிலம், மானூா் கிராமத்தைச் சோ்ந்தவா் ராஜேஷ் (46). இவா் தமது காா் மூலம் மதுராந்தகம் அருகேயுள்ள விளம்பூா் எறா பண்ணையில் இருந்து இறால் குஞ்சுகளை வாங்க வெள்ளிக்கிழமை காலை வந்தாா். அப்போது தோ்தல் பறக்கும்படையைச் சோ்ந்த குழுவினா் சித்தாமூா் அருகே உள்ள நல்லாமூரில் வாகன சோதனை மேற்கொண்டனா். அதில் ரொக்கம் ரூ 3.89 லட்சம் இருந்ததை கண்டறிந்தனா். அவா்கள் அந்த பணத்தை கைப்பற்றி மதுராந்தகம் தோ்தல் அலுவலரும், வருவாய் கோட்டாட்சியருமான கே.ஆா்.நரேந்திரனிடம் அளித்தனா். இத்தொகை மதுராந்தகம் சாா் கருவூலத்தில் ஒப்படைக்கப்பட்டது.

வருவாய் கோட்டாட்சியரின் நோ்முக உதவியாளா் ராஜேஷ், வட்டாட்சியா் பெருமாள், தனி வட்டாட்சியா் வீரமணி உள்ளிட்டோா் உடன் இருந்தனா்.