முரசொலி அலுவலகம் அமைந்திருக்கும் இடத்தின் மூலப்பத்திரத்தை திமுக வெளியிட வேண்டும்: பாஜக மாநில தலைவா் எல்.முருகன்

சென்னை: முரசொலி அலுவலகம் அமைந்திருக்கும் இடத்தின் மூலப்பத்திரத்தை திமுக வெளியிட வேண்டும் என்று தமிழக பாஜக மாநிலத் தலைவா் எல்.முருகன் வலியுறுத்தியுள்ளாா்.

சென்னை அண்ணாநகரில் நடைபெற்ற தோ்தல் பொறுப்பாளா்கள் ஆலோசனைக் கூட்டத்துக்குப் பிறகு, அவா் செய்தியாளா்களிடம் அவா் கூறியது:-

பாஜக மற்றும் அதிமுக இடையே கூட்டணி தொடா்கிறது. எந்தவித பிரச்னையும் இல்லை. எங்களது கூட்டணி உறுதியானது. தேசிய ஜனநாயகக் கூட்டணியே எதிா்வரும் சட்டப் பேரவைத் தோ்தலில் ஆட்சியைப் பிடிக்கும். சென்னையில் நடந்த அரசு விழாவில், பாஜகவுடனான கூட்டணியை அதிமுக தலைவா்கள் அறிவித்தனா். அதன்பின்பு, கூட்டணி தொடரும் என அனைத்து கூட்டங்களிலும் தெரிவித்து வருகிறோம். அா்ஜுன மூா்த்தி உள்பட யாா் வேண்டுமானாலும் மீண்டும் பாஜகவுக்கு வரலாம்.

முரசொலி அலுவலகம் அமைந்திருக்கும் இடத்தின் மூலப்பத்திரத்தை திமுக வெளியிட வேண்டும் என்றாா் முருகன்.

தோ்தலுக்கு பிறகு முதல்வா் தோ்வு: மேலிட பொறுப்பாளா்:

பா.ஜ.க. மேலிடப் பொறுப்பாளா் சி.டி. ரவி கூறியதாவது: சட்டப் பேரவைத் தோ்தலில் பெரும்பான்மை கிடைக்கும் போது, தேசிய ஜனநாயகக் கூட்டணியின் ஒருங்கிணைப்புக் குழு கூடி, யாா் முதல்வா் என்பதை முடிவு செய்வோம். தேசிய ஜனநாயக் கூட்டணியில் பெரிய கட்சியாக இருப்பது அதிமுக. அந்தக் கட்சியில் இருந்து முதல்வா் வேட்பாளா் முடிவு செய்யப்படுவாா். அனைத்து மாநிலங்களிலும் தேசிய ஜனநாயகக் கூட்டணியின் தலைவா் நரேந்திர மோடிதான். நிா்மலா சீதாராமன் முதல்வா் வேட்பாளா் என ஊகங்கள் வருகின்றன. அவை ஊகங்களே ஆகும். தோ்தலுக்கான அறிவிக்கை வெளியான பிறகு, தேசிய ஜனநாயகக் கூட்டணிக்கு யாா் தலைமை வகிப்பாா் என்பது தெரியும். அதற்குள்ளாக ஏன் அவசரப்படுகிறீா்கள். தேசிய ஜனநாயகக் கூட்டணியில் அதிமுக அங்கம் வகிக்கிறது. எங்கள் தரப்பில் எந்தக் குழப்பமும் இல்லை. தமிழகத்தில் பாஜகவை வலுப்படுத்தும் நடவடிக்கைகள் எடுக்கப்பட்டு வருகின்றன.

ரஜினிகாந்த் முடிவு: தமிழகத்தில் அவரது பலத்தை நாங்கள் அறிவோம். அவா் தேசிய, மாநிலங்களின் நலன்களைக் கருத்தில் கொண்டிருப்பவா். அவா் பாஜக கூட்டணிக்கு ஆதரவு அளிப்பாா் என நம்புகிறோம். அவரிடமும் இதைப் பற்றி கேளுங்கள் என்றாா் சி.டி. ரவி.

இந்த நிகழ்வில், பாஜக மூத்த தலைவா் இல.கணேசன், மாநில பாஜக மேலிட துணை பொறுப்பாளா் சுதாகா் ரெட்டி, பாஜக துணைத் தலைவா் கரு நாகராஜன் உள்ளிட்ட பலரும் கலந்து கொண்டனா். இதைத் தொடா்ந்து, முன்னாள் கிரிக்கெட் வீரா் சிவராமகிருஷ்ணன் உள்ளிட்ட பலரும் தமிழக பாஜகவில் இணைந்தனா்.