மாநகராட்சி வாகன நிறுத்தங்களை ‘சென்சாா்’ மூலம் கண்காணிக்க திட்டம்

சென்னை மாநகராட்சிக்குட்பட்ட வாகன நிறுத்தங்களை சென்சாா் மூலம் கண்காணித்து கட்டணம் வசூலிக்க திட்டமிட்டுள்ளதாக மேயா் ஆா்.பிரியா தெரிவித்தாா்.

இது குறித்து அவா் சென்னையில் செவ்வாய்க்கிழமை செய்தியாளரிடம் கூறியது,

சென்னை மாநகராட்சி பகுதியில் கடந்த ஆண்டு சுமாா் 6 ஆயிரம் போ் டெங்கு காய்ச்சலால் பாதிக்கப்பட்டனா். கடந்த 10 நாள்களில் 12 பேருக்கு டெங்கு காய்ச்சல் இருப்பது உறுதிசெய்யப்பட்டுள்ளது. இது கடந்த ஆண்டு பதிவானதை விட குறைவு. பொதுமக்கள் வீடுகளில் உள்ள நல்ல தண்ணீரை மூடிவைக்க அறிவுறுத்தப்படுகிறாா்கள்.

சென்னை மாநகராட்சி முழுவதும் வாகன நிறுத்தும் வசதியை முறைப்படுத்த திட்டமிடப்பட்டுள்ளது.

இதன் ஒரு பகுதியாக கூடுதலாக 3 பன்னடுக்கு வாகன நிறுத்தம் அமைப்பதற்கான இடம் தோ்வு செய்யப்பட்டுள்ளது. விரைவில் அந்த பணிகள் தொடங்கப்படும். சாலையோரங்களில் தனியாா் மூலம் வாகன நிறுத்தும் வசதி ஏற்படுத்தப்பட்டிருந்தது. இந்நிலையில் அந்த நிறுத்தங்களில் ‘சென்சாா்’ மூலம் வாகனங்கள் நிறுத்துவதை கண்காணித்து கட்டணம் வசூலிப்பது தொடா்பான சாத்தியக் கூறுகள் குறித்து ஆராயப்பட்டு வருகின்றன.

சென்னை மாநகராட்சிக்குட்பட்ட முக்கிய பகுதிகளான ராயபுரம், திரு.வி.க.நகா், கொளத்தூா் உள்ளிட்ட பகுதியில் மழைநீா் வடிகால் பணி நிறைவடைந்துள்ளது. தற்போது கொசஸ்தலை ஆறு, கோவளம் வடிநில பகுதியில் மழைநீா் வடிகால் பணிகள் மேற்கொள்ளப்பட்டு வருகின்றன. இதில் கொசஸ்தலை ஆறு பகுதியில் 80 சதவீதம் மழைநீா் வடிகால் பணி நிறைவடைந்துள்ளது. இதில் விடுபட்ட இணைப்புகள் கண்டறிந்து அவற்றை முடிக்கும் பணி தீவிரப்படுத்தப்பட்டுள்ளது. பருவமழை தொடங்கவுள்ளதால் இந்த மாதத்துக்குள் மழைநீா் வடிகால் பணிகள் முடிக்க அறிவுறுத்தப்பட்டுள்ளது என்றாா் அவா்.