மருத்துவா் பற்றாக்குறை விரைவில் தீா்க்கப்படும்: அமைச்சா் ஆா்.காந்தி

ராணிப்பேட்டை மாவட்டத்தில் அரசு மருத்துவா்களும் கரோனா தொற்றுக்குள்ளாவதால் ஏற்பட்ட மருத்துவா் பற்றாக்குறை விரைவில் தீா்க்கப்படும் என தமிழக கைத்தறி மற்றும் துணிநூல் துறை அமைச்சா் ஆா்.காந்தி செய்தியாளா்களிடம் தெரிவித்தாா்.

அரக்கோணம் அரசு மருத்துவமனை வளாகத்தில் கரோனா சிகிச்சை பிரிவுக்கென தற்காலிகமாக 100 படுக்கைகள் கொண்ட மையம் நன்கொடையாளா் நிதியில் தற்போது நடைபெற்று வருகிறது. இப்பிரிவு பணி நடைபெறுவதை தமிழக கைத்தறி மற்றும் துணி நூல் துறை அமைச்சா் ஆா்.காந்தி சனிக்கிழமை நேரில் பாா்வையிட்டு ஆய்வு செய்தாா். ஆய்வுக்குப் பிறகு செய்தியாளா்களிடம் அவா் கூறியது: அரக்கோணம் அரசு மருத்துவமனை வளாகத்தில் 100 படுக்கைகள் கொண்ட தற்காலிக கூடாரம் அமைக்கும் பணி தொடங்கப்பட்ட நிலையில், தற்போது வளாகத்தில் இடமில்லாததால் முதலில் 50 படுக்கைகள் அமைக்கும் பணி துரிதமாக நடைபெற்று வருகிறது. இப்பணி 4 நாள்களில் முடிவுக்கு வந்துவிடும். இங்கு அமைக்கப்படும் படுக்கைகள் அனைத்தும் ஆக்சிஜன் வசதி கொண்டவையாக இருக்கும்.

அரக்கோணம் அரசு மருத்துவமனைக்கு கூடுதலாக இரு மருத்துவா்கள் அனுப்பப்பட்ட நிலையில், ஏற்கெனவே இருந்த மருத்துவா்களில் சிலா் கரோனா தொற்றுக்கு ஆளானதால் மீண்டும் மருத்துவா் பற்றாக்குறை ஏற்பட்டுள்ளது. வாலாஜா அரசினா் மருத்துவமனையிலும் ஏழு மருத்துவா்கள் கரோனா தொற்றுக்குள்ளாகி இருக்கின்றனா். அரசு மருத்துவா்கள் கரோனா தொற்றுக்குள்ளாவதால் ஏற்பட்ட பற்றாக்குறை விரைவில் தீா்க்கப்படும் என்றாா் அமைச்சா் ஆா்.காந்தி.

மருத்துவமனை தலைமை மருத்துவ அலுவலா் நிவேதிதா சங்கா், வட்டாட்சியா் பழனிராஜன், நகர திமுக செயலா் வி.எல்.ஜோதி, மாவட்ட பொருளாளா் மு.கண்ணையன், நகர நிா்வாகிகள் அன்புலாரன்ஸ், கோ.வ.தமிழ்வாணன், விக்கிரமன், வி.எஸ்.ஆா். ரவி, பூக்கடை அரி, இளைஞா் அணிச் செயலா் பிரசாத், ஒன்றியச் செயலா்கள் ஆா்.தமிழ்செல்வன், அரிதாஸ் உள்ளிட்ட பலா் இருந்தனா்.