இளைஞா்கள் தொழில் முனைவோராக வேண்டும்: ராணிப்பேட்டை ஆட்சியா்

வங்கிகள் அளிக்கும் கடனுதவிகளைப் பெற்று இளைஞா்கள் தொழில் முனைவோராக வேண்டும் என்று ராணிப்பேட்டை ஆட்சியா் தெ.பாஸ்கர பாண்டியன் கூறினாா்.

சோளிங்கா் பாரதி கலைக் கல்லூரி வளாகத்தில், மாநில ஊரக வாழ்வாதார இயக்கம் சாா்பில், தீனதயாள் உபாத்யாய கிராமின் கௌசல் யோஜனா திட்டத்தின் கீழ், இளைஞா் திறன் விழா வெள்ளிக்கிழமை நடைபெற்றது.

இதில், தொழில் திறன் மேம்பாட்டுப் பயிற்சிக்கு தோ்வான 32 பேருக்கு தொழில் பழகுநா்களுக்கான ஆணைகள், 140 பேருக்கு தனி நபா் தொழில் கடனுதவியாக தலா ரூ.25,000 என மொத்தம் ரூ.35 லட்சத்துக்கான ஆணைகளை வழங்கி ராணிப்பேட்டை ஆட்சியா் தெ.பாஸ்கர பாண்டியன் பேசியது:

இளைஞா்கள் தொழில் தொடங்க வங்கிகள் மூலம் அதிகளவில் கடன்கள் அளிக்கப்பட்டு வருகின்றன. இதைச் சரியான முறையில் பயன்படுத்தி, இளைஞா்கள் தொழில் முனைவோா்களாக மாறி, பலருக்கு வேலைவாய்ப்பை வழங்க வேண்டும்.

எந்தத் தொழில் செய்தாலும் முழு ஈடுபாட்டுடன் செய்ய வேண்டும். அப்போது தான் இலக்கை அடைய முடியும். அனைவருக்கும் அரசு வேலை என்பது சாத்தியமில்லை. எனவே, தொழில் தொடங்க திட்டமிட்டு, சரியான தொழிலை தோ்ந்தெடுத்து கடனுதவி பெற்று முன்னேறலாம் என்றாா்.

இதில், அரசுத் துறை நிறுவனங்கள், மாவட்ட தொழில் மையம், வேலைவாய்ப்புத் துறை, தமிழ்நாடு தொழில் முதலீட்டுக் கழகம், திறன் மேம்பாட்டுப் பயிற்சி நிறுவனம், 7 தனியாா் துறை தொழில் நிறுவனங்கள், 12 வேலைவாய்ப்பு நிறுவனங்கள் என மொத்தம் 19 நிறுவனங்கள் பங்கேற்று வேலைவாய்ப்பு மற்றும் திறன் வளா்ப்புப் பயிற்சிக்கு ஆள்களைத் தோ்வு செய்தன. முகாமில் மொத்தம் 156 வேலை நாடுநா்கள் பங்கேற்றனா்.

நிகழ்ச்சியில் சோளிங்கா் எம்எல்ஏ ஏ.எம்.முனிரத்தினம், மகளிா் திட்ட இயக்குநா் நானிலதாசன், சோளிங்கா் ஒன்றியக் குழு தலைவா் கலைக்குமாா், துணைத் தலைவா் பூங்கொடி ஆனந்தன், மாவட்ட ஊராட்சிக் குழு உறுப்பினா் கிருஷ்ணமூா்த்தி, ஒன்றியக் குழு உறுப்பினா் ராமன், உதவித் திட்ட அலுவலா்கள் சாகுல் அமீத், சுபாஷ் சந்திரன், மாவட்ட பயிற்றுநா்கள் சாந்தி, அபிராமி உள்ளிட்ட பலா் பங்கேற்றனா்.