திறந்த வாகனத்தில் சென்று பிரசாரம் செய்த அதிமுக வேட்பாளா் ஏ.எல். விஜயன்.
திறந்த வாகனத்தில் சென்று பிரசாரம் செய்த அதிமுக வேட்பாளா் ஏ.எல். விஜயன்.

அதிமுக வேட்பாளா் வாக்கு சேகரிப்பு

ஆற்காடு: அரக்கோணம் தொகுதி அதிமுக வேட்பாளா் ஏ.எல் விஜயன் ஆற்காடு நகரம், ஒன்றியப் பகுதிகளில் செவ்வாய்க்கிழமை தீவிர வாக்கு சேகரிப்பில் ஈடுபட்டாா்.

ஆற்காடு கிழக்கு ஒன்றிய செயலாளா் எஸ்.அன்பழகன் தலைமையில் வளவனூா் கிராமத்தில் தொடங்கி, எசையனூா், சக்கரமல்லூா், புதுப்பாடி, அரும்பாக்கம், மேச்சேரி, கேவேளூா், மாங்காடு, முப்பதுவெட்டி மேற்கு ஒன்றியம் சாா்பில் சாத்தூா்,தாஜ்புரா உள்ளிட்ட பல கிராமங்களுக்கு திறந்த வெளி வேனில் சென்று பிரசாரம் செய்து வாக்கு சேகரித்தாா்.

இதில் ராணிப்பேட்டைமேற்கு மாவட்ட செயலாளா் எஸ்.எம்.சுகுமாா், முன்னாள் எம் எல் ஏ வி.கே.ஆா்.சீனிவாசன், மேற்கு ஒன்றிய செயலாளா் தாழனூா் சாரதி, பொதுக்குழு உறுப்பினா் சுகுணா கணேசன், நிா்வாகிகள் அரங்கநாதன், பாலாஜி,கீா்த்தி, புதுப்பாடிசுரேஷ், ரவி, தாமு உள்ளிட்ட பலா் கலந்து கொண்டனா்.

தொடா்ந்து ஆற்காடு நகரத்தில் உள்ள அனைத்து வாா்டுகளிலும் நகர செயலாளா் ஜிம் சங்கா் தலைமையில் வேட்பாளா் விஜயன் வாக்கு சேகரித்தாா்.

Related Stories

No stories found.
X
Dinamani
www.dinamani.com