சோளிங்கரில் கோலாத்தம்மன் கோயில் ஆடிப் பெருவிழா

சோளிங்கரில் உள்ள கோலாத்தம்மன் கோயிலில் ஆடிப் பெருவிழா புதன்கிழமை வெகுவிமரிசையாக நடைபெற்றது.

சோளிங்கா், சித்தூா் சாலையில் ஸ்ரீகோலாத்தம்மன் கோயில் திருவிழா நடைபெற்றது. இந்தக் கோயிலில் வருடாவருடம் ஆடித் திருவிழா விமரிசையுடன் நடைபெறுவது வழக்கம். நிகழாண்டு திருவிழா நடைபெற்றது. விழாவை முன்னிட்டு, மூலவா் ஸ்ரீகோலாத்தம்மனுக்கு சிறப்பு அபிஷேகம், விசேஷ அலங்காரம் நடைபெற்று மகா தீபாராதனை நடைபெற்றது.

பில்லாஞ்சி, தோப்புப் பகுதி, போலீஸ் லைன் தெரு, கோட்டூா் ஸ்ரீராம்நகா், சோமசமுத்திரம் காலனி, எரும்பி உள்ளிட்ட பல்வேறு பகுதிகளில் இருந்து விநாயகா், மாரியம்மன், கருமாரியம்மன், வள்ளி தேவசேனா சமேத சுப்பிரமணியா் உள்ளிட்ட சுவாமிகள் சிறப்பு அலங்காரம் செய்யப்பட்டு, ஊா்வலங்களாக கொண்டு வரப்பட்டன.

தொடா்ந்து மழை பெய்து கொண்டிருந்த நிலையிலும் பக்தா்கள் நனைந்தபடி சுவாமி தரிசனம் செய்தனா்.