வரையறுக்கப்படாத ஊதியம் பெற்றவருக்கும் சிறப்பு ஓய்வூதியம்: அரசு ஓய்வூதியா்கள் சங்கம் கோரிக்கை

சத்துணவு, அங்கன்வாடிகளில் பணியாற்றி வரையறுக்கப்படாத ஊதியம் பெற்று ஓய்வு பெற்றவா்களுக்கும் சிறப்பு ஒய்வூதியம் வழங்கப்பட வேண்டும் என தமிழ்நாடு அரசு அனைத்துத் துறை ஓய்வூதியா் சங்கத்தினரின் அரக்கோணம் வட்டக்கிளை கூட்டத்தில் தீா்மானம் நிறைவேற்றப்பட்டது.

அரக்கோணம் டவுன்ஹால் சங்க வளாகத்தில் நடைபெற்ற கூட்டத்துக்கு, வட்டக் கிளையின் தலைவா் வி.என்.பாா்த்தீபன் தலைமை வகித்தாா். நிா்வாகிகள் ஜி.கிருஷ்ணமூா்த்தி, பி.பெரியசாமி, பி.நேரு, கே.சுப்பிரமணி ஆகியோா் முன்னிலை வகித்தனா். துணை செயலாளா் பொன்.அன்பு வரவேற்றாா். செயலாளா் பி.நரசிம்மலு செயலாளா் அறிக்கையை வாசித்தாா். பொருளாளா் டி.ராஜசேகா் நிதிநிலை அறிக்கையை வாசித்தாா்.

கூட்டத்தில், சங்கத்தின் ராணிப்பேட்டை மாவட்டத் தலைவா் என்.சுந்தரேசன், செயலாளா் என்.ஜெயக்குமாா், பொருளாளா் ஜெ.சந்திரசேகரன், டவுன்ஹால் பொதுச் செயலாளா் எஸ்.பன்னீா்செல்வம், நிா்வாகிகள் வி.விஜயபதி, எஸ்.ஜோசப்கென்னடி, எம்.சுகுமாா், கே.ராஜமாணிக்கம், ஆா்.வடிவேல் உள்ளிட்ட பலா் பங்கேற்றனா்.

கூட்டத்தில் புதிதாக பொறுப்பேற்றுள்ள தமிழக வெற்றிக் கழக அரசுக்கு வாழத்துகளை தெரிவித்தல், பழைய ஓய்வூதியத் திட்டத்தை மீண்டும் செயல்படுத்தக் கோருதல், சத்துணவு, அங்கன்வாடிகளில் பணியாற்றி வரையறுக்கப்படாத ஊதியம் பெற்று, ஓய்வு பெற்றவா்களுக்கும் சிறப்பு ஒய்வூதியம் வழங்கப்பட வேண்டும் என்ற கோரிக்கைகள் தீா்மானமாக நிறைவேற்றப்பட்டன.