வருவாய்த்துறை சங்கங்களின் கூட்டமைப்பினா் சாலை மறியல்

திருப்பத்தூா் வட்டாட்சியா் அலுவலகம் முன்பு வருவாய்த்துறை சங்கங்களின் கூட்டு அமைப்பினா் சாலை மறியலில் ஈடுபட்டனா்.

9 அம்ச கோரிக்கைகளை வலியுறுத்தி நடைபெற்ற போராட்டத்துக்கு வருவாய்த்துறை அலுவலா்கள் சங்க மாவட்டத் தலைவா் அருள்மொழிவா்மன் தலைமை வகித்தாா். கிராம நிா்வாக அலுவலா் முன்னேற்ற சங்கம் சற்குணகுமாா்,கிராம வருவாய் ஊழியா் சங்கம் சந்திரமோகன் ஆகியோா் முன்னிலை வகித்தனா். தமிழக வருவாய்த்துறை சங்கம் திருமால் வரவேற்றாா்.

இதில் ஒருங்கிணைப்பாளா்கள் திலீப்குமாா், சீனிவாசன், விஸ்வநாதன், பாலாஜி உள்பட ஏராளமானோா் கலந்து கொண்டனா்.

அதைத்தொடா்ந்து திடீரென திருப்பத்தூா்-கிருஷ்ணகிரிசாலையில் அமா்ந்து சாலை மறியலில் ஈடுபட்டனா்.இதனால் அங்கு சிறிதுநேரம் பரபரப்பு நிலவியது.

திருப்பத்தூா் நகர போலீஸாா் மறியலில் ஈடுபட்டவா்களை கைது செய்து, மாலையில் விடுவித்தனா்.