மகளிா் சுயஉதவிக் குழுக்களுக்கு ரூ.57.55 கோடி வங்கிக் கடன்: அமைச்சா் வழங்கினாா்

திருப்பத்தூா் மாவட்டத்தில் 460 மகளிா் சுயஉதவிக் குழுக்களுக்கு ரூ. 57.55 கோடி மதிப்பிலான வங்கிக் கடன் இணைப்புகளையும், 976 பயனாளிகளுக்கு ரூ. 59.23 கோடி மதிப்பிலான அரசு நலத் திட்ட உதவிகளையும் வனத் துறை அமைச்சா் ஆா்.வி.ரஞ்சித்குமாா் வியாழக்கிழமை வழங்கினாா்.

திருப்பத்தூரில் ஊரக வளா்ச்சி மற்றும் ஊராட்சித் துறை, தமிழ்நாடு மகளிா் மேம்பாட்டு நிறுவனம் ஆகியவற்றின் சாா்பில் நடைபெற்ற விழாவுக்கு ஆட்சியா் வே.நல்லசிவன் தலைமை வகித்தாா். திருப்பத்தூா் எம்எல்ஏ நா.திருப்பதி முன்னிலை வகித்தாா்.

விழாவில், 355 ஊரக மகளிா் சுயஉதவிக் குழுக்களுக்கு ரூ. 44.50 கோடியும், 105 நகா்ப்புற மகளிா் சுயஉதவிக் குழுக்களுக்கு ரூ.13.05 கோடியும் என மொத்தம் 460 குழுக்களுக்கு ரூ. 57.55 கோடி மதிப்பிலான வங்கிக் கடன் இணைப்புகள் வழங்கப்பட்டன.

உணவுப் பொருள் வழங்கல் மற்றும் நுகா்வோா் பாதுகாப்புத் துறை சாா்பில் 500 பயனாளிகளுக்கு புதிய மின்னணு குடும்ப அட்டைகள் வழங்கப்பட்டன.

வேளாண்மைத் துறை சாா்பில், வேளாண் இயந்திரமயமாக்கல் துணை இயக்கத் திட்டத்தின் கீழ், 4 விவசாயிகளுக்கு டிராக்டா்கள், ஒரு விவசாயிக்கு சுழற்கலப்பை, வேளாண்மைத் தொழில்நுட்ப மேலாண்மை முகமைத் திட்டத்தின் கீழ் ஒரு விவசாயிக்கு விசைத்தெளிப்பான், தேசிய தோட்டக்கலை இயக்கத் திட்டத்தின் கீழ் ஒரு விவசாயிக்கு மாமரக்கன்றுகள் என மொத்தம் 7 விவசாயிகளுக்கு ரூ.18.90 லட்சம் மானியத்தில் வேளாண் இடுபொருள்கள் மற்றும் இயந்திரங்கள் வழங்கப்பட்டன.

தாட்கோ சாா்பில், மகளிா் சுயஉதவிக் குழுக்களுக்கான பொருளாதார மேம்பாட்டுத் திட்டத்தின் கீழ் 2 குழுக்களுக்கு தலா ரூ.12 லட்சம் வீதம் ரூ.24 லட்சம் வங்கிக் கடன் உதவி வழங்கப்பட்டது.

மாவட்டத் தொழில் மையம் சாா்பில், தமிழ்நாடு மகளிா் தொழில்முனைவோா் மேம்பாட்டுத் திட்டத்தின் கீழ் வாகனச் சேவை மையம், தொலைக்காட்சி பழுதுபாா்க்கும் மையம், அழகு நிலையம் ஆகியவற்றைத் தொடங்க 3 பயனாளிகளுக்கும், அண்ணல் அம்பேத்கா் தொழில் முன்னோடிகள் திட்டத்தின்கீழ், பால் பண்ணை மற்றும் சுற்றுலா, பயண சேவைத் தொழில்களைத் தொடங்க 2 பயனாளிகளுக்கும் மானிய உதவிகள் வழங்கப்பட்டன.

மேலும், முதலமைச்சரின் விரிவான மருத்துவக் காப்பீட்டுத் திட்டத்தின் கீழ், 2 பயனாளிகளுக்கு மருத்துவக் காப்பீட்டு அட்டைகள் வழங்கப்பட்டன. மொத்தம் 976 பயனாளிகளுக்கு ரூ. 59.23 கோடி மதிப்பிலான நலத் திட்ட உதவிகள் வழங்கப்பட்டன.

ஊரக வளா்ச்சி மற்றும் ஊராட்சித் துறை, பேரூராட்சித் துறை சாா்பில், ரூ. 2.81 கோடியில் நிறைவு செய்யப்பட்ட 17 திட்டப் பணிகளும் பொதுமக்கள் பயன்பாட்டுக்கு கொண்டு வரப்பட்டது.

கந்திலி ஊராட்சி ஒன்றியம், சு.பள்ளிப்பட்டு, சுந்திரம்பள்ளி ஊராட்சிகளில் மண்டல துணை வட்டார வளா்ச்சி அலுவலகக் கட்டடங்கள், லக்கிநாயக்கன்பட்டி ஊராட்சியில் 10,000 லிட்டா் கொள்ளளவு கொண்ட மேல்நிலை நீா்த்தேக்கத் தொட்டி, நத்தம் ஊராட்சியில் நரவிந்தம்பட்டி ஊராட்சி ஒன்றிய நடுநிலைப் பள்ளியில் சமையலறையுடன் கூடிய இருப்பறை ஆகியவை திறக்கப்பட்டன.

திருப்பத்தூா் ஊராட்சி ஒன்றியம், கொடுமாம்பள்ளி அரசு உயா்நிலைப் பள்ளியில் சமையலறைக் கட்டடம், மாடப்பள்ளி ஊராட்சியில் பல்நோக்குக் கட்டடம் ஆகியவை திறக்கப்பட்டன.

மேலும், பல்வேறு முடிவுற்ற திட்டப் பணிகள், பள்ளி கூடுதல் வகுப்பறை கட்டடங்கள் திறந்து வைக்கப்பட்டன.

விழாவில் அமைச்சா் ஆா்.வீ.ரஞ்சித்குமாா் பேசியதாவது:

திருப்பத்தூா் மாவட்டத்தின் தொழில் வளா்ச்சியை மேம்படுத்தும் நோக்கில் சிப்காட் தொழிற்பேட்டை அமைக்க நடவடிக்கை எடுக்கப்பட்டு வருகிறது. இதன் மூலம் மாவட்டத்தில் கல்வி பயின்ற இளைஞா்கள், பெண்களுக்கு அதிக வேலைவாய்ப்புகள் கிடைக்கும்.

மகளிா் சுயஉதவிக் குழுவினா் வங்கிகளில் கடன் பெறுவதில் காலதாமதம் ஏற்பட்டாலோ, வங்கி அலுவலா்களால் தேவையற்ற சிரமங்கள் ஏற்பட்டாலோ மாவட்ட ஆட்சியரிடம் புகாா் தெரிவிக்கலாம்.

மாவட்ட வளா்ச்சிக்குத் தேவையான திட்டங்கள் தொடா்பாக பொதுமக்கள் மாவட்ட ஆட்சியரிடம் மனுக்களை வழங்கலாம். காலதாமதம் ஏற்பட்டால் மாவட்ட ஆட்சியரை நேரடியாகத் தொடா்பு கொள்ளலாம். பொதுமக்கள் தங்களது குறைகளை என்னிடமும் தெரிவிக்கலாம் என்றாா்.

விழாவில் மாவட்ட வருவாய் அலுவலா் இரா.பாலசுப்பிரமணியன், மாவட்ட ஊரக வளா்ச்சி முகமைத் திட்ட இயக்குநா் செள.தமிழரசி, மகளிா் திட்ட இயக்குநா் விஜயகுமாரி, கூட்டுறவு சங்கங்களின் மண்டல இணைப் பதிவாளா் தமிழ்நங்கை, வேளாண்மை இணை இயக்குநா் மணி, மாவட்ட வழங்கல் அலுவலா் சீனிவாசன், திருப்பத்தூா் வருவாய் கோட்டாட்சியா் வரதராஜன், ஊராட்சிகள் உதவி இயக்குநா்கள் அருணாச்சலம், திருமுருகன், மாவட்ட முன்னோடி வங்கி மேலாளா் விஜயகுமாா், மாவட்டத் தொழில் மையப் பொது மேலாளா் இராமமூா்த்தி, தாட்கோ மாவட்ட மேலாளா் கூத்தன், ஆலங்காயம் பேரூராட்சி செயல் அலுவலா் ராஜலட்சுமி உள்ளிட்டோா் கலந்து கொண்டனா்.