இயக்குநர் தக்காளி சீனிவாசன் காலமானார்!எரிவாயு தட்டுப்பாடு எதிரொலி: எல்பிஜி உற்பத்தியை அதிகரிக்கிறோம் - ரிலையன்ஸ் 2 நாள்களில் திமுக - தேமுதிக தொகுதிப் பங்கீடு! எல்.கே. சுதீஷ்திமுக, அதிமுக இல்லாத கூட்டணி? ராமதாஸுடன் சசிகலா சந்திப்பு2 நாள்களில் திமுக - தேமுதிக தொகுதிப் பங்கீடு! எல்.கே. சுதீஷ்நாட்டின் கோதுமை உற்பத்தி 2% அதிகரிப்பு! 120 மில்லியன் டன் - மத்திய அரசுசௌதிக்குச் செல்ல மேற்காசியாவில் உள்ள நேபாள மக்களுக்கு அந்நாட்டு அரசு அறிவுறுத்தல்இண்டிகோ விமான நிறுவனத்தின் தலைமை செயல் அதிகாரி பீட்டர்ஸ் எல்பர்ஸ் ராஜிநாமாபாகிஸ்தானில் அறிமுகமாகும் 5ஜி: அலைக்கற்றை ஏலம் முடிந்தது!
/

நகைக்கடையின் மேற்கூரையில் துளையிட்டு நகைக் கொள்ளை

சென்னை கொளத்தூரில் நகைக்கடையில் மேற்கூரையில் துளையிட்டு தங்கநகைகள், வெள்ளி உள்ளிட்ட பொருள்கள்

News image
நகைக் கடையின் மேற்பகுதியில் கொள்ளையர்கள் துளையிட்டு இருப்பதைப் பார்வையிடும் காவல் துறையினர்.
Updated On :16 நவம்பர் 2017, 10:12 pm

DIN

சென்னை கொளத்தூரில் நகைக்கடையில் மேற்கூரையில் துளையிட்டு தங்கநகைகள், வெள்ளி உள்ளிட்ட பொருள்கள் கொள்ளையடிக்கப்பட்டது. இதுகுறித்து, போலீஸார் விசாரணை நடத்தி வருகின்றனர்.
சென்னை கொளத்தூர் ஸ்ரீராம் நகர் 2ஆவது தெருவில் வசித்து வருபவர் முகேஷ்குமார்(45). இவர் ரெட்டேரி அருகே கடப்பா சாலையில் மகாலட்சுமி தங்க மாளிகை என்ற நகைக் கடையை நடத்தி வருகிறார். இவர் மதிய உணவுக்காக பகல் 1 மணிமுதல் மாலை 4 மணிவரை கடையை மூடிவிட்டு வீட்டுக்குச் செல்வது வழக்கம். 
இந்நிலையில், வியாழக்கிழமை மதியம் வழக்கம்போல் வீட்டிற்குச் சென்று விட்டு வந்து கடையை திறந்தபோது, கடையின் மேற்பகுதியில் துளையிட்டு, 3 கிலோ தங்க நகைகள், 5 கிலோ வெள்ளிப் பொருட்கள் மற்றும் கடையில் இருந்த ரூ.2 லட்சம் ரொக்கம் ஆகியவை கொள்ளை போனது கண்டு அதிர்ச்சி 
அடைந்தார். 
இதையடுத்து, போலீஸில் புகார் கொடுத்தார். அண்ணாநகர் காவல் மாவட்ட துணை ஆணையர் டாக்டர் சுதாகர், இணை ஆணையர் சந்தோஷ்குமார், கூடுதல் ஆணையர் ஜெயராம், உள்ளிட்ட உயரதிகாரிகள் சம்பவ இடத்திற்கு வந்து விசாரணை நடத்தினர். 
தொடர்ந்து கைரேகை நிபுணர் குழு கைரேகைகளை பதிவு செய்தனர். கொள்ளை நடந்த கட்டடத்தில் கீழே 2 கடையும் மேலே 2 கடைகளும் உள்ளன. மேலே இருந்த கடையில், வடமாநிலத்தை சேர்ந்த 2 இளைஞர்கள் துணிக் கடை நடத்தப் போவதாக கடந்த 10 நாள்களுக்கு முன் கட்டட உரிமையாளர் பாண்டுரங்கனிடம் தெரிவித்துள்ளனர். துணிக்கடை நடத்த வந்தவர்கள் இந்த கொள்ளையில் ஈடுபட்டிருப்பது தெரியவந்துள்ளது. 
மேலும் அவர்கள் கடையில் இருந்த கண்காணிப்பு கேமரா மற்றும் காட்சி பதிவு செய்யும் பெட்டி என அனைத்தையும் எடுத்துச் சென்றுள்ளனர். இதில், கொள்ளை போன நகைகளின் மதிப்பு பல கோடி இருக்கும் என தெரிகிறது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.