பொன்னேரி அரசு மருத்துவமனையில் ஊட்டச்சத்து உறுதி மொழி ஏற்பு

பொன்னேரி அரசு மருத்துவமனையில் ஊட்டச்சத்து உறுதிமொழி ஏற்பு நிகழ்ச்சி செவ்வாய்க்கிழமை நடைபெற்றது.
செப்டம்பர் மாதம் ஊட்டச்சத்து மாதமாகக் கொண்டாடப்பட்டு வருகிறது. இதையொட்டி பொன்னேரி அரசு மருத்துவமனையில் ஊட்டச்சத்து உறுதிமொழி ஏற்றுக் கொள்ளும் நிகழ்ச்சி ஆட்சியர் மகேஸ்வரி ரவிக்குமார் தலைமையில் நடைபெற்றது. 
இதில், பொன்னேரி எம்.எல்ஏ சிறுணியம் பலராமன், பொன்னேரி கோட்டாட்சியர் முத்துசாமி, வட்டாட்சியர் கார்த்திகேயன் உள்ளிட்டோர் கலந்து கொண்டனர். மேலும், பெண் குழந்தைகளைக் காப்போம் என்ற திட்டத்தின் கீழ், இந்த மருத்துவமனையில் மகப்பேறு பிரிவில் பிறந்த பெண் குழந்தைகளுக்கு சிறப்புப் பரிசுகளை ஆட்சியர் வழங்கினார். 
முன்னதாக, பொன்னேரி பழைய பேருந்து நிலையம் அருகே ஆரணி ஆற்றின் குறுக்கே பொன்னேரி-குன்னமஞ்சேரியை இணைக்கும் வகையில் கட்டப்பட்டு வரும் மேம்பாலப் பணிகளை ஆட்சியர் மகேஸ்வரி ரவிகுமார், பொன்னேரி எம்எல்ஏ சிறுணியம் பலராமன் ஆகியோர் ஆய்வு செய்தனர்.