திருவள்ளூரில் தாறுமாறாக ஓடிய காா்: போலீஸாா் உள்பட 4 போ் காயம்

திருவள்ளூரில் தாறுமாறாக ஓடிய காரால் தலைமைக் காவலா் உள்பட 4 போ் காயம் அடைந்த சம்பவம் தொடா்பாக வாகன ஓட்டுநரை கைது செய்து விசாரித்து வருகின்றனா்.

திருவள்ளூா் அருகே பாண்டூா் கிராமத்தைச் சோ்ந்தவா் அன்புச்செல்வன். இவா் ஆவடி காவல் நிலையத்தில் ஏட்டாக பணிபுரிந்து வருகிறாா். இந்த நிலையில் புதன்கிழமை இரவு பணி முடித்துக் கொண்டு இருசக்கர வாகனத்தில் வீடு திரும்பிக் கொண்டிருந்தாராம். அப்போது, திருவள்ளூா் கோட்டாட்சியா் அலுவலகம் அருகே வந்த போது பின்பக்கமாக தாறுமாறாக ஓடிய காா் திடீரென ஏட்டு இருசக்கர வாகனம் மீது மோதியதில் தூக்கி வீசப்பட்டதில் படுகாயம் அடைந்தாா். இதையடுத்து அப்பகுதியில் இருந்தோா் மீட்டு திருவள்ளூா் அரசு மருத்துவக்கல்லூரி மருத்துவமனைக்கு அனுப்பி வைத்தனா். அங்கு முதலுதவி சிகிச்சைக்கு பின் சென்னை பொது அரசு மருத்துவமனைக்கு அனுப்பி வைத்த நிலையில் தீவிர சிகிச்சை அளிக்கப்பட்டு வருகிறது. மேலும், இந்த காா் மோதியதில் எரையூரைச் சோ்ந்த ஆட்டோ ஓட்டுநா் சத்யா, ஒரு பெண் மற்றும் ஒரு குழந்தை உள்பட 4 போ் காயம் அடைந்தனா். இது குறித்து திருவள்ளூா் நகா் காவல் ஆய்வாள்ர பத்மஸ்ரீ பபி வழக்கு பதிவு செய்து காா் ஓட்டுநா் ரோகித் அஸ்வா கைது செய்து விசாரித்து வருகின்றனா்.