பண்ணை பள்ளி பயிற்சி

வந்தவாசி வட்டார வேளாண்மைத் துறை சார்பில், அட்மா திட்டத்தின்கீழ், குறிப்பேடு கிராமத்தில் பண்ணை பள்ளி பயிற்சி செவ்வாய்க்கிழமை நடைபெற்றது.
இதில், மணிலா பயிரில் ஒருங்கிணைந்த பயிர் மேலாண்மை குறித்து விவசாயிகளுக்கு விளக்கிக் கூறப்பட்டது. நிகழ்ச்சிக்கு வந்தவாசி வட்டார வேளாண்மை உதவி இயக்குநர் 
எஸ்.ஆர்.பாலாஜி தலைமை வகித்தார்.
விதைப்பு நிலம் தயாரித்தல், விதை தேர்வு செய்தல், உயிர் உரத்தில் விதை நேர்த்தி செய்தல், விதை விதைப்பு, முளைப்பு பருவத்தில் வரும் நோய், சத்து குறைபாடு உள்ளிட்ட தொழில்நுட்பங்கள் குறித்து உதவி வேளாண்மை அலுவலர் ரமேஷ், அட்மா திட்ட அலுவலர் பாலமுருகன், முன்னோடி விவசாயி 
போரூரான் ஆகியோர் விளக்கிக் கூறினர்.