புதுவை அமைச்சா் மல்லாடி கிருஷ்ணாராவ் ராஜிநாமா

புதுவை சுகாதாரத் துறை அமைச்சா் மல்லாடி கிருஷ்ணாராவ், தனது எம்.எல்.ஏ. பதவியை திங்கள்கிழமை ராஜிநாமா செய்தாா்.

புதுவை யூனியன் பிரதேசத்துக்குள்பட்ட ஏனாம் தொகுதியிலிருந்து 1996-ஆம் ஆண்டு முதல் தொடா்ந்து 5 முறை எம்.எல்.ஏ.வாகத் தோ்வு செய்யப்பட்டவா் மல்லாடி கிருஷ்ணாராவ். புதுவையின் தற்போதைய காங்கிரஸ் அரசில் சுகாதாரம், மீன்வளம், சுற்றுலா உள்ளிட்ட துறைகள் அவரது கட்டுப்பாட்டில் இருந்தன.

கடந்த சில மாதங்களுக்கு முன்பு, ஆந்திர மாநிலத்தில் முதல்வா் ஜெகன்மோகன் ரெட்டி முன்னிலையில் நடைபெற்ற விழாவில் அமைச்சா் மல்லாடி கிருஷ்ணாராவ் பேசும்போது, புதுவை அரசியலிலிருந்து விலக முடிவு செய்துள்ளதாகவும், ஏனாம் தொகுதியில் தானோ அல்லது தனது குடும்பத்தினரோ இனிமேல் போட்டியிடப்போவதில்லை என்றும் அறிவித்தாா்.

கடந்த ஜனவரி 5-ஆம் தேதி ஏனாமில் நடைபெற்ற அரசு விழாவில் அவருக்கு சிறந்த எம்.எல்.ஏ. விருது வழங்கப்பட்டது. முதல்வா் வே.நாராயணசாமி பங்கேற்ற அந்த நிகழ்ச்சியில் வெளியிடப்பட்ட காணொலிப் பதிவிலும், புதுவை அரசியலிலிருந்து விலகப் போவதாக மல்லாடி கிருஷ்ணாராவ் அறிவித்திருந்தாா்.

இதற்கிடையே, அவா் அமைச்சா் பதவியை ராஜிநாமா செய்துவிட்டதாகவும், அதை முதல்வா் நாராயணசாமி ஏற்கவில்லை என்றும் அவ்வப்போது தகவல் வெளியானது. இருப்பினும், புதிய வேளாண் சட்டங்களை எதிா்த்து நிறைவேற்றப்பட்ட தீா்மானத்தை ஆதரிக்கும் வகையில் கடந்த ஜன.18-இல் நடந்த புதுவை சட்டப்பேரவைக் கூட்டத்தில் மல்லாடி கிருஷ்ணாராவ் பங்கேற்றாா்.

அகில இந்திய காங்கிரஸ் மூத்த தலைவா் ராகுல் காந்தி புதன்கிழமை (பிப்.17) புதுச்சேரிக்கு வரவுள்ள நிலையில், அமைச்சா் மல்லாடி கிருஷ்ணாராவ் தனது எம்.எல்.ஏ. பதவியை ராஜிநாமா செய்து, கடிதத்தை பேரவைத் தலைவா் சிவக்கொழுந்துவுக்கு பதிவு அஞ்சலில் அனுப்பியுள்ளாா். அதுகுறித்து தனது சுட்டுரைப் பக்கத்திலும் அவா் பதிவிட்டுள்ளாா்.

ஜெகன் மோகன் ரெட்டியுடன் நெருக்கமான நட்பைக் கொண்டிருக்கும் மல்லாடி கிருஷ்ணாராவ், ஆந்திர அரசியலில் தீவிரமாக ஈடுபட இருப்பதாகவும் தகவல் வெளியாகியுள்ளது.

ஏற்கெனவே, புதுவை பொதுப் பணித் துறை அமைச்சராக இருந்த ஆ.நமச்சிவாயம், எம்எல்ஏவாக இருந்த தீப்பாய்ந்தான் ஆகியோா் தங்களது பதவியை ராஜிநாமா செய்துவிட்டு, பாஜகவில் அண்மையில் இணைந்தது குறிப்பிடத்தக்கது.

இதன்மூலம், புதுவை சட்டப்பேரவையில் தற்போது ஆளும் காங்கிரஸ் கட்சியின் பலம் 15-ஆகக் குறைந்துள்ளது. எதிா்க்கட்சிகளின் பலம் 14-ஆக உள்ளது. காங்கிரஸுக்கு 11, திமுகவுக்கு 3, சுயேச்சை ஒருவா் என ஆளும் அரசுக்கு 15 பேரின் ஆதரவு உள்ளது. என்.ஆா்.காங்கிரஸுக்கு 7, அதிமுக- 4, பாஜக -3 நியமன எம்.எல்.ஏ.க்கள் என எதிா்க்கட்சிகள் தரப்பில் 14 போ் உள்ளனா்.