பாலியல் தொழில் நடப்பதாகக் கூறி ரூ.1 லட்சம் கேட்டு மிரட்டல் -3 போ் கைது

திருவண்ணாமலையில் பாலியல் தொழில் நடப்பதாகக் கூறி மிரட்டியதுடன், ரூ.ஒரு லட்சம் பணம் தராததால் மசாஜ் சென்டா் உரிமையாளரின் பைக்கை பறித்துச் சென்ற மூவரை போலீஸாா் கைது செய்தனா்.

திருவண்ணாமலையை அடுத்த சோ.கீழ்நாச்சிப்பட்டு, தனலட்சுமி நகரைச் சோ்ந்தவா் அஜித் (27). இவா், திருவண்ணாமலை -அவலூா்பேட்டை சாலையை ஒட்டியுள்ள புறவழிச் சாலையில் மசாஜ் சென்டா் நடத்தி வருகிறாா்.

சில தினங்களுக்கு முன்பு இவரது மசாஜ் சென்டருக்கு 3 போ் சென்றுள்ளனா். மூவரும் அஜித்திடம் இங்கு பாலியல் தொழில் நடப்பதாக எங்களுக்கு தகவல் வந்துள்ளது.

உரிய ஆதாரமும் உள்ளது. ரூ.ஒரு லட்சம் பணம் கொடுத்தால் கண்டுகொள்ளாமல் விட்டு விடுகிறோம்.

பணம் தராவிட்டால் நாங்கள் நடத்தும் யூடியூப் சேனலில் செய்தி வெளியிடுவோம் என்று மிரட்டினராம். இதற்கு, நீங்கள் சொல்வது போல எந்தத் தவறும் இங்கு நடைபெறவில்லை. எனவே, பணம் தர முடியாது என்று மசாஜ் சென்டா் உரிமையாளா் அஜித் மறுத்தாராம்.

இதனால் ஆத்திரமடைந்த 3 பேரும், அஜித்தின் பைக்கை பறித்துக் கொண்டு தப்பிச் சென்றுவிட்டனராம்.

இதுகுறித்து, மங்கலம் போலீஸில் அஜித் புகாா் அளித்தாா். காவல் உதவி ஆய்வாளா் ராஜீவ்காந்தி வழக்குப் பதிந்து விசாரணை நடத்தினாா்.

இதில், பணம் கேட்டு மிரட்டிவிட்டு பைக்கை பறித்துச் சென்றது திருவண்ணாமலை பே கோபுரத் தெருவைச் சோ்ந்த மூா்த்தி (42), ராமலிங்கனாா் தெருவைச் சோ்ந்த உதயகுமாா்(22), சேரியந்தல் கிராமத்தைச் சோ்ந்த பாபு (22) என்பது தெரியவந்தது.

இதையடுத்து, மூவரையும் போலீஸாா் கைது செய்தனா். இவா்கள் பறித்துச் சென்ற அஜித்தின் பைக் பறிமுதல் செய்யப்பட்டது. கைது செய்யப்பட்ட மூவரும் திருவண்ணாமலை குற்றவியல் நீதித்துறை நடுவா் நீதிமன்றத்தில் ஆஜா்படுத்தப்பட்டு, வேலூா் மத்திய சிறையில் அடைக்கப்பட்டனா்.