திருவண்ணாமலையில் முதல்வா் கோப்பை விளையாட்டுப் போட்டிகள் தொடக்கம்

தமிழ்நாடு விளையாட்டு மேம்பாட்டு ஆணையத்தின் திருவண்ணாமலை மாவட்டப் பிரிவு சாா்பில் நடத்தப்படும் முதல்வா் கோப்பை விளையாட்டுப் போட்டிகள் தொடக்க விழா மாவட்ட விளையாட்டரங்கில் புதன்கிழமை நடைபெற்றது.

போளூா் எம்எல்ஏ ஆா்.அபிஷேக் முன்னிலையில் நடைபெற்ற இந்த விழாவில் மாவட்ட ஆட்சியா் வந்தனா காா்க் தலைமை வகித்து, போட்டிகளைத் தொடங்கிவைத்தாா்.

அப்போது அவா் பேசுகையில், விளையாட்டு என்பது சுய ஒழுக்கத்தையும், உடல் நலனையும் காக்கும் சிறந்த வழியாகும். மாணவா்கள் விளையாட்டில் ஆா்வம் கொண்டு கடின முயற்சி செய்து போட்டிகளில் பங்கேற்று வெற்றி பெற்று சாதனைகளை புரிய வேண்டும். தமிழக அரசு விளையாட்டு வீரா், வீராங்கனைகளுக்காக பல்வேறு திட்டங்கள் செயல்படுத்தி வருகிறது. அதனை பயன்படுத்திக்கொண்டு வாழ்வில் மேன்மையடைய வேண்டும். தமிழகத்தில் திருவண்ணாமலை மாவட்டத்தில் தான் அதிகளவில் விளையாட்டுப் போட்டிகளில் பங்கேற்க விண்ணப்பித்துள்ளனா் என்றாா்.

திருவண்ணாமலை மாவட்டத்தில் முதல்வா் கோப்பைக்கான விளையாட்டுப் போட்டியில் கலந்து கொள்ள இணையத்தில் 1லட்சத்து 74ஆயிரத்து 461 போ் பதிவு செய்துள்ளனா்.

இதில் தடகளம், கூடைப்பந்து, கால்பந்து, வளைகோல்பந்து, சிலம்பம், கையுந்துபந்து, இறகுப்பந்து, கைப்பந்து, பால்பேட்மிண்டன், டேபிள் டென்னிஸ் உள்ளிட்ட 45 வகையான போட்டிகள் 5 பிரிவுகளாக பல்வேறு தேதிகளில் நடைபெறவுள்ளன. மாவட்டம் மற்றும் மண்டல அளவில் தனிநபா் போட்டிகளில் வெற்றி பெறுபவா்களுக்கு முதல் பரிசாக ரூ.3 ஆயிரம், இரண்டாம் பரிசாக ரூ.2 ஆயிரம், மூன்றாம் பரிசாக ரூ.ஆயிரம் வழங்கப்படும்.

மாநில அளவில் தனிநபா் போட்டிகளில் வெற்றி பெறுபவா்களுக்கு முதல் பரிசாக ரூ.ஒரு லட்சம், இரண்டாம் பரிசாக ரூ.75 ஆயிரம், மூன்றாம் பரிசாக ரூ.50 ஆயிரம் வழங்கப்படும்.

குழு போட்டிகளில் வெற்றி பெறுபவா்களுக்கு முதல் பரிசாக தலா ரூ.75 ஆயிரம், இரண்டாம் பரிசாக தலா ரூ.50 ஆயிரம், மூன்றாம் பரிசாக தலா ரூ.25 ஆயிரம் வழங்கப்படும்.

போட்டிகள் தொடக்க விழா நிகழ்வில் மண்டல முதுநிலை மேலாளா் (பொ) சாந்தி, மாவட்ட துணை காவல் கண்காணிப்பாளா் சிவனு பாண்டியன், மாவட்ட விளையாட்டு மற்றும் இளைஞா் நல அலுலவா் சண்முகப்பிரியா, அரசு மருத்துவக் கல்லூரி மருத்துமனை முதல்வா் எட்வினா வசந்தா மற்றும் துறை சாா்ந்த அலுவலா்கள் கலந்து கொண்டனா்.