பிளஸ் 2 தேர்வு மையங்களில் பறக்கும் படை கண்காணிப்பு

வேலூர் மாவட்டத்தில் வெள்ளிக்கிழமை தொடங்கிய பிளஸ் 2 பொதுத் தேர்வை பறக்கும் படையினர் கண்காணிப்பு செய்தனர்.

வேலூர் ஈ.வெ.ரா. நாகம்மை அரசு மகளிர் மேல்நிலைப் பள்ளி, ஊரீசு மேல்நிலைப் பள்ளிகளில் நடைபெற்ற பிளஸ் 2 தேர்வை மாவட்ட ஆட்சியர் இரா.நந்தகோபால் பார்வையிட்டார்.

மாவட்டம் முழுவதும் 42,748 மாணவ, மாணவிகள் தேர்வு எழுதினர். தேர்வின்போது, 3,025 கண்காணிப்பாளர்கள் பணியில் ஈடுபடுத்தப்பட்டனர். மாற்றுத் திறனாளிகள் 31 பேர் சொல்வதைக் கேட்டு எழுத நியமனச் சலுகை செய்யப்பட்டிருந்தது.

தேர்வு மையங்களில் பறக்கும் படையினர் கண்காணிப்புப் பணியில் ஈடுபட்டனர். மேலும், முதன்மைக் கல்வி அலுவலர், மாவட்ட கல்வி அலுவலர்கள் தலைமையிலான பறக்கும் படையும் அமைக்கப்பட்டுள்ளது.

வேலூர் கல்வி மாவட்டத்தில் 12 வினாத்தாள் கட்டுகாப்பு மையங்களும், திருப்பத்தூர் கல்வி மாவட்டத்தில் 10 வினாத்தாள் கட்டுகாப்பு மையங்களும் அமைக்கப்பட்டுள்ளன.