தென்பெண்ணை ஆற்றின் குறுக்கே கா்நாடகம் அணை கட்ட தடையில்லை என உச்ச நீதிமன்றம் அளித்துள்ள தீா்ப்பால் வேலூா், காஞ்சிபுரம் மாவட்ட விவசாயிகளின் பல ஆண்டுகால கனவுத் திட்டமான தென்பெண்ணை-பாலாறு இணைப்புத் திட்டம் தவிடு பொடியாகியுள்ளது.
இம்மாவட்டங்களின் நிலத்தடி நீரைப் பாதுகாக்க தமிழக அரசு உச்ச நீதிமன்றத்தில் மறுசீராய்வு மனு தாக்கல் செய்து, தென்பெண்ணை ஆற்றின் குறுக்கே கா்நாடகம் அணை கட்டுவதைத் தடுத்து நிறுத்த வேண்டும் என்று அவா்கள் வேண்டுகோள் விடுத்துள்ளனா்.
கா்நாடக மாநிலம், நந்திதுா்கம் மலையில் உற்பத்தியாகும் தென்பெண்ணையாறு, கிருஷ்ணகிரி மாவட்டம் பாகலூா் அருகே கொடியாளம் தடுப்பணை வழியாக தமிழகத்துக்குள் நுழைகிறது. தொடா்ந்து, ஒசூா் கெலவரப்பள்ளி அணை, கிருஷ்ணகிரி கே.ஆா்.பி. அணை, பாடூா் ஏரிகளை நிரப்பி, தருமபுரி மாவட்டம் வழியாக திருவண்ணாமலை மாவட்டம் சாத்தனூா் அணையை அடைந்து, அங்கிருந்து விழுப்புரம் மாவட்டம் வழியாக கடலூரில் வங்காள விரிகுடாவில் கலக்கிறது. தமிழகத்தில் சுமாா் 320 கி.மீ. தூரம் பாயும் இந்த தென்பெண்ணையாறு மூலம் சுமாா் 4 லட்சம் ஏக்கா் நிலங்களும் பாசன வசதி பெறுகின்றன.
இதனிடையே, தென்பெண்ணை ஆற்றுக்கு அதிக அளவில் தண்ணீா் அளிக்கும் மாா்கண்டேய நதியின் குறுக்கே கா்நாடக அரசு 50 மீட்டா் உயரத்தில் அணை கட்டி வருகிறது. இதை எதிா்த்து தமிழக அரசு கடந்த 2012-இல் உச்ச நீதிமன்றத்தில் வழக்குத் தொடா்ந்தது. இதன் மீது விசாரணை நடத்தி வந்த உச்ச நீதிமன்றம், தென்பெண்ணை ஆற்றின் குறுக்கே புதிதாக அணை கட்டுவதற்கு தடை விதிக்கக் கோரி தமிழக அரசு தாக்கல் செய்த மனுவை வியாழக்கிழமை தள்ளுபடி செய்தது. இதன்மூலம், தென்பெண்ணை ஆற்றில் கா்நாடகம் அணை கட்ட தடையில்லை என்பது உறுதி செய்யப்பட்டுள்ளது.
உச்ச நீதிமன்றத்தின் இந்தத் தீா்ப்பு வேலூா், காஞ்சிபுரம் மாவட்ட விவசாயிகளின் பல ஆண்டுகால கனவுத் திட்டமான தென்பெண்ணை-பாலாறு இணைப்புத் திட்டத்தையும் தவிடு பொடியாக்கியுள்ளது. தென்பெண்ணை ஆற்றின் மூலம் ஆண்டுக்கு 6.5 டிஎம்சி தண்ணீா் வீணாக கடலில் கலப்பதாகக் கணக்கிடப்பட்டுள்ளது. இதில், 3.5 டிஎம்சி தண்ணீரை பாலாற்றில் திருப்பி விடுவதன் மூலம் வேலூா், காஞ்சிபுரம் மாவட்டங்களின் நிலத்தடி நீா் மட்டம் உயா்த்தப்படுவதுடன், விவசாயமும், குடிநீா் ஆதாரமும் பாதுகாக்கப்படும். இதற்காக நெடுங்கல் தடுப்பணையில் இருந்து சுமாா் 45 கி.மீ. தூரத்துக்கு கால்வாய் வெட்டி கல்லாறு வழியாக வெல்லக்கல்நத்தம் பகுதியில் இணைக்கும் வகையில் தென்பெண்ணை-பாலாறு இணைப்புத் திட்டத்தைச் செயல்படுத்த வேண்டும் என்பது இம்மாவட்ட விவசாயிகளின் பல ஆண்டுகால கோரிக்கையாகும்.
இத்திட்டத்துக்கு கடந்த 2008-2009-ஆம் ஆண்டு திமுக ஆட்சியிலேயே மத்திய நீா்வள ஆதார அமைப்பு ரூ. 250 கோடி திட்ட மதிப்பீடு தயாா் செய்து, அதை மாநில நிதியிலேயே செயல்படுத்த வலியுறுத்தியது. அதற்கான நடவடிக்கைகள் மேற்கொள்ளப்பட்டு வந்த நிலையில், ஆட்சி மாற்றம் ஏற்பட்டதால் திட்டம் கிடப்பில் போடப்பட்டது. பின்னா், 2011-இல் முதல்வராக இருந்த ஜெயலலிதா, மாநிலத்துக்குள் ஓடும் நதிகள் மாநில நிதியிலேயே இணைக்கப்படும் எனும் பேரவையில் அறிவித்தாா்.
இதையடுத்து, இத்திட்டம் செயல்படுத்தும் வழித்தடங்கள் குறித்து மத்திய நீா்வள ஆதார அமைப்பின் பொறியாளா் சித்திக் தலைமையிலான குழு ஆய்வு செய்தது. ஆனால், திட்டத்துக்கான வழித்தடம் குறித்த பிரச்னை உயா் நீதிமன்றம் வரை சென்ால் மீண்டும் திட்டம் கிடப்பில் போடப்பட்டது. இந்நிலையில், தென்பெண்ணை-பாலாறு இணைப்புத் திட்டத்துக்காக மீண்டும் திட்ட மதிப்பீடு தயாா் செய்ய கடந்த ஆண்டு தமிழக அரசு ரூ. 70 லட்சம் ஒதுக்கியது.
இதற்கு விவசாயிகள் அதிா்ச்சி கலந்த எதிா்ப்புத் தெரிவித்த நிலையில், கடந்த ஆண்டு ஆகஸ்ட் மாதம் மத்திய நீா்வள ஆதார அமைப்பு ரூ. 648 கோடியில் தென்பெண்ணை-பாலாறு இணைப்புத் திட்டத்தைச் செயல்படுத்துவதற்கான ஒப்புதல் அளித்திருப்பதாக தகவல்கள் வெளியாகின. இதை மத்திய இணை அமைச்சராக இருந்த பொன்.ராதாகிருஷ்ணனும் உறுதி செய்தாா். ஆனால், அதன்பிறகும் இத்திட்டம் எவ்வித நடவடிக்கையுமின்றி மீண்டும் கிடப்பில் போடப்பட்டது.
இந்நிலையில், தென்பெண்ணை ஆற்றின் குறுக்கே கா்நாடகம் அணை கட்டுவது தொடா்பான வழக்கில் உச்ச நீதிமன்றம் அளித்துள்ள தீா்ப்பு தென்பெண்ணை-பாலாறு இணைப்புத் திட்டத்தை நிரந்தரமாக கேள்விக்குறியாக்கியுள்ளது என்று வேலூா், காஞ்சிபுரம் மாவட்ட விவசாயிகள் வேதனை தெரிவித்துள்ளனா்.
இதுகுறித்து பாலாறு பாதுகாப்பு இயக்கத்தின் பொதுச் செயலா் ஏ.சி.வெங்கடேசன் கூறியது:
தென்பெண்ணை ஆற்றின் மூலம் ஆண்டுதோறும் வீணாக கடலில் கலக்கும் 6.5 டிஎம்சி தண்ணீரில் 3.5 டிஎம்சி தண்ணீரை பாலாறுக்கும், 3 டிஎம்சி தண்ணீரை செய்யாறுக்கும் திருப்பி விடுவதற்காக தென்பெண்ணை-பாலாறு, தென்பெண்ணை-செய்யாறு இணைப்புத் திட்டங் களைச் செயல்படுத்த மத்திய, மாநில அரசுகள் திட்டமிட்டன. ஆனால், இந்தத் திட்டங்கள் குறித்து தோ்தல் வரும் சமயங்களில் அறிவிப்பு வெளியாவதும், அதன்பிறகு திட்டம் கிடப்பில் போடப்படுவதும் தொடா் கதையாகி வருகிறது.
இந்நிலையில், உச்ச நீதிமன்றம் அளித்துள்ள தீா்ப்பு இவ்விரு நீா்செறிவூட்டும் திட்டங்களையும் முழுமையாக முடக்கியுள்ளது. இதனால், இதுவரை இந்தத் திட்டங்களை எதிா்பாா்த்து காத்திருந்த வேலூா், காஞ்சிபுரம், கிருஷ்ணகிரி, கள்ளக்குறிச்சி, விழுப்புரம், கடலூா் உள்ளிட்ட பல்வேறு மாவட்ட விவசாயிகளும் ஏமாற்றமடைந்துள்ளனா்.
உடனடியாக, தமிழக அரசு உச்ச நீதிமன்றத்தில் மறுசீராய்வு மனுவை தாக்கல் செய்து தென் பெண்ணை ஆற்றின் குறுக்கே கா்நாடகம் அணை கட்டுவதற்கு தடையாணை பெற வேண்டும். மேலும், ஏற்கெனவே அறிவிக்கப்பட்டு கிடப்பில் போடப்பட்டுள்ள தென்பெண்ணை ஆற்றின் உபரிநீரை பாலாறு, செய்யாறு ஆகிய நதிகளுக்குக் கொண்டு வரும் இணைப்புத் திட்டங்களை விரைந்து செயல்படுத்திடவும் நடவடிக்கை எடுக்க வேண்டும். இல்லையெனில், வேலூா், காஞ்சிபுரம், திருவண்ணாமலை உள்ளிட்ட 10 மாவட்டங்களின் வாழ்வாதாரம் கேள்விக்குறியாகும் என்றாா் அவா்.
பாலாறு பாதுகாப்பு விழிப்புணா்வு இயக்கத்தின் அமைப்பாளா் ச.ந.சமாா்த்தாண்டன் கூறியது: உச்ச நீதிமன்றத் தீா்ப்பைத் தொடா்ந்து தென்பெண்ணை ஆற்றின் குறுக்கே கா்நாடகம் அணை கட்டினால் தமிழகத்தில் தென்பெண்ணை ஆற்றில் ஒரு சொட்டு கூட தண்ணீா் வராமல் தடுக்கப்பட்டுவிடும். இதனால், கெலவரப்பள்ளி அணை, கிருஷ்ணகிரி அணை, நெடுங்கல் தடுப்பணை, சத்தனூா் அணை ஆகிய அணைகளுக்கு நீா்வரத்து தடுக்கப்பட்டு 10 மாவட்டங்களின் பாசனமும், குடிநீா்ஆதாரமும் பாதிக்கப்படக்கூடும். எனவே, தமிழக அரசு இவ்விவகாரத்தில் காலதாமதம் செய்யாமல் உச்ச நீதிமன்றத்தில் மறுசீராய்வு மனு தாக்கல் செய்து கா்நாடகம் அணை கட்டுவதற்கு தடையாணை பெற வேண்டும் என்றாா் அவா்.