ஆம்பூா் சீனிவாச பெருமாள் கோயில் பிரம்மோற்சவம் ரத்து

ஆம்பூா்: கரோனா தடை உத்தரவு காரணமாக ஆம்பூா் சீனிவாச பெருமாள் கோயில் பிரம்மோற்சவம் ரத்து செய்யப்பட்டுள்ளது.

இதுகுறித்து கோயில் நிா்வாகம் சாா்பில் வெளியிடப்பட்ட அறிவிப்பு:

ஆம்பூா், மேல்கிருஷ்ணாபுரம் பகுதியில் இந்து சமய அறநிலையத்துறையின் கீழ், அமைந்துள்ள சீனிவாச பெருமாள் கோயிலில் ஆண்டுதோறும் சித்திரை மாத பிரம்மோற்சவம் நடைபெறுவது வழக்கம். நடப்பாண்டில் வரும் ஏப். 30-ஆம் தேதி கொடியேற்றத்துடன் பிரம்மோற்சவம் தொடங்கப்பட இருந்தது. ஆனால் கரோனா நோய்த் தொற்று பரவுவதைத் தடுத்திட மத்திய, மாநில அரசுகள் பாதுகாப்பு நடவடிக்கையாக 144 தடை உத்தரவு பிறப்பிப்பித்துள்ளன. வரும் மே 3-ஆம் தேதி வரை தடை உத்தரவு அமலில் இருப்பதால் நடப்பாண்டில் சித்திரை பிரம்மோற்சவம் ரத்து செய்யப்பட்டுள்ளது.