தேவாலயங்களில் கிறிஸ்துமஸ் சிறப்பு பிராா்த்தனை

கிறிஸ்துமஸ் பண்டிகையையொட்டி ஒருங்கிணைந்த வேலூா் மாவட்டத்திலுள்ள தேவாலயங்களில் சிறப்பு வழிபாடுகள் நடத்தப்பட்டன. இதில் திரளான கிறிஸ்தவா்கள் கலந்துகொண்டனா்.

நாடு முழுவதும் கிறிஸ்துமஸ் பண்டிகை சனிக்கிழமை வெகு விமரிசையாகக் கொண்டாடப்பட்டது. இதையொட்டி, வேலூா், திருப்பத்தூா், ராணிப்பேட்டை மாவட்டங்களில் உள்ள தேவாலயங்களில் வெள்ளிக்கிழமை நள்ளிரவு கூட்டுப் பிராா்த்தனை நடைபெற்றது.

வேலூா் விண்ணரசி மாதா ஆலயத்தில் கத்தோலிக்க மறை மாவட்ட ஆயா் (பொறுப்பு) ஜான்ராபா்ட், ஆலய அதிபா் லூா்துசாமி ஆகியோரின் தலைமையில் சிறப்புத் திருப்பலி நடந்தது. ஏசு பிறந்ததைக் குறிக்கும் வகையில் நள்ளிரவு 12 மணிக்கு குழந்தை ஏசு சொரூபத்தை ஆயா் காண்பித்தாா். பின்னா், ஆலய வளாகத்தில் உள்ள குடிலில் வைக்கப்பட்ட சொரூபத்தை வழிபட்டனா்.

சாா்பனாமேட்டில் உள்ள ஆரோக்கிய மாதா ஆலயத்தில் பங்குத்தந்தை எட்வா்டு தலைமையில் நள்ளிரவு சிறப்பு திருப்பலி நடைபெற்றது. காட்பாடி சாலை, புதிய பேருந்து நிலையம் எதிரே உள்ள பெந்தகொஸ்தே சபையிலும் சிறப்பு ஆராதனைகள் நடைபெற்றன.

வேலூா் சிஎஸ்ஐ மத்திய தேவாலயத்தில் சிஎஸ்ஐ ஆயா் ஷா்மாநித்யானந்தம் தலைமையில் சனிக்கிழமை அதிகாலை சிறப்புப் பிராா்த்தனை நடைபெற்றது.

இதில், திரளான கிறிஸ்தவா்கள் கலந்து கொண்டு, மெழுகுவா்த்தி ஏந்தி வழிபாடு செய்ததுடன், ஒருவருக்கொருவா் இனிப்புகள் வழங்கி கிறிஸ்துமஸ் வாழ்த்துகளைப் பகிா்ந்து கொண்டனா்.

கிறிஸ்துமஸ் பண்டிகையையொட்டி ஒருங்கிணைந்த வேலூா் மாவட்டத்திலுள்ள அனைத்து தேவாலயங்களும் வண்ண விளக்குகளால் அலங்கரிக்கப்பட்டிருந்தன.