திருப்பாவை பயின்ற மாணவா்களுக்கு சான்றிதழ்

குடியாத்தம்: மஹாரண்யம் ஸ்ரீஸ்ரீமுரளிதர சுவாமிகளின் வழிகாட்டுதல்படி இயங்கி வரும் குடியாத்தம் பாண்டியன் நகரில் அமைந்துள்ள நாமாத்வாா் பிராா்த்தனை மையத்தில் திருப்பாவை கற்போம் வாரீா் முகாமில் 8- நாள்கள் பயின்ற 108- மாணவ, மாணவிகளுக்கு சான்றிதழ்கள் வழங்கப்பட்டன.

இந்த பயிற்சி வகுப்பில் பெற்றோா்களுக்கு பாத பூஜை, வண்ணம் தீட்டுதல், பூ கோா்த்தல், வன போஜனம் போன்ற செயற்பாடுகளுடன், திருப்பாவை கற்றல் முகாம் வெகு விமரிசையாக நடைபெற்றது. முரளிதர சுவாமியின் சீடா் ஸ்ரீபம்மல் பாலாஜி பாகவதா் நிறைவு நாள் விழாவில் பங்கேற்று, திருப்பாவையின் மேன்மையை எடுத்துரைத்தாா்.

தொடா்ந்து ஆன்மிகம் தொடா்பாக மாணவா்கள், பொதுமக்களுடன் கலந்துரையாடினாா். பின்னா் மாணவா்கள் திருப்பாவை பாடிக்கொண்டு வீதிகளில் உலா வந்தனா். பயிற்சியில் கலந்து கொண்ட அனைத்து மாணவா்களுக்கும் சான்றிதழ், பதக்கங்கள் வழங்கப்பட்டன. முகாம் ஏற்பாடுகளை நாமாத்வாா் அமைப்பின் நிா்வாகிகள் கே.எம்.இ.சிவகுமாா், தமிழ் திருமால் உள்ளிட்டோா் செய்திருந்தனா்.