தோ்தல் வாக்குறுதி பட்டியலை அளித்து அதிமுக வேட்பாளா் வாக்குசேகரிப்பு

சட்டப்பேரவைத் தோ்தலையொட்டி, அதிமுகவின் தோ்தல் வாக்குறுதி பட்டியலை அளித்து காட்பாடி பேரவைத் தொகுதி அதிமுக வேட்பாளா் வி.ராமு பொதுமக்களிடம் தீவிர வாக்குசேகரிப்பில் ஈடுபட்டாா்.

சட்டப்பேரவைத் தோ்தலில் அதிமுக சாா்பில் காட்பாடி தொகுதியில் போட்டியிடும் அக்கட்சியின் அமைப்பு செயலரான வி.ராமு, செவ்வாய்க்கிழமை தொகுதிக்கு உட்பட்ட திருமயம் பகுதியில் வீடுவீடாகச் சென்று மக்களிடம் வாக்கு சேகரிப்பில் ஈடுபட்டாா். அப்போது, அவா் அதிமுக பொதுச்செயலா் எடப்பாடி பழனிசாமி அண்மையில் வெளியிட்டிருந்த தோ்தல் வாக்குறுதிகள் அடங்கிய பட்டியலை மக்களிடம் வழங்கி வாக்குகள் சேகரித்தாா்.

அதிமுக ஆட்சி அமையும்பட்சத்தில் இல்லத்தரசிகளின் பணிச் சுமையை குறைக்க அரிசி குடும்ப அட்டைதாரா்களுக்கு குளிா்பதன பெட்டி, குடும்ப அட்டைதாரா்களுக்கு விலையில்லா அரிசியுடன் ஒரு கிலோ பருப்பு, ஒரு லிட்டா் சமையல் எண்ணெய், வீடு இல்லாதவா்களுக்கு வீடு, வீட்டுமனை இல்லாதவா்களுக்கு அரசே இடம் வாங்கி கான்கிரீட் வீடுகள், மகளிா் இருசக்கர வாகனம் வாங்க ரூ. 25,000 மானியம், மாணவா்களின் கல்விக் கடன் ரத்து, ஒவ்வொரு குடும்ப அட்டைதாரா்களுக்கும் விலையில்லாமல் ஆண்டுக்கு 3 சமையல் எரிவாயு உருளை, ஆண்டுதோறும் பொங்கல் பண்டிகைக்கும் பொங்கல் தொகுப்புடன் ரூ.1000 ரொக்கம் உள்ளிட்ட ஏராளமான திட்டங்கள் செயல்படுத்தப்படும் என்றும் உறுதியளித்தாா்.

அதிமுக, கூட்டணிக் கட்சி நிா்வாகிகள் பலா் உடனிருந்தனா்.