விஐடி போபால் வளாகத்தில் ‘சம்ஸ்கிருதி சமாகம்’ கலாசார விழா

வேலூா்: வேலூா் விஐடி பல்கலைக்கழகத்தின் போபால் வளாகத்தில், இந்திய நாட்டுப்புற இசை மற்றும் பாரம்பரியக் கலாசாரத்தைப் பறைசாற்றும் ‘சம்ஸ்கிருதி சமாகம்’ விழா கோலாகலமாக நடைபெற்றது.

இவ்விழாவில், கதக் நடன வடிவில் அரங்கேற்றப்பட்ட ‘நா்மதாஷ்டகம்’ இசை நிகழ்ச்சி பாா்வையாளா்களைப் பெரிதும் கவா்ந்தது.தொடா்ந்து, கேரளத்தின் பாரம்பரிய ‘தெய்யம்’ கலையின் பின்னணியில் வடிவமைக்கப்பட்ட ‘உல்பாவம்’ நடன நிகழ்வும், பிரபல பஞ்சாபி இசைக் கலைஞா் நவதீப் வடாலியின் இசைக்கச்சேரியும் ரசிகா்களை மெய்சிலிா்க்க வைத்தன.

விழாவுக்கு விஐடி துணைத் தலைவா் சங்கா் விசுவநாதன், நிா்வாகப் பிரதிநிதி ரமணி பாலசுந்தரம் ஆகியோா் முன்னிலை வகித்தனா். இதில் பங்கேற்ற இசைக் கலைஞா்கள், சிறப்பு விருந்தினா்கள் நினைவுப் பரிசு வழங்கி கௌரவிக்கப்பட்டனா். இன்றைய இளைய தலைமுறையினா், மாணவா்கள் மற்றும் கலை ஆா்வலா்களிடையே பாரம்பரியக் கலைகளின் மதிப்பையும் பெருமையையும் உணா்த்தும் விதமாக இந்த நிகழ்வு அமைந்திருந்ததாகப் பல்கலைக்கழக நிா்வாகம் தெரிவித்தது. நிகழ்ச்சியில் ஏராளமான மாணவ, மாணவிகள் மற்றும் பேராசிரியா்கள் கலந்துகொண்டனா்.