பாரதிய வித்யா பவனில் நாட்டிய விழா தொடக்கம்

கோவை பாரதிய வித்யா பவனில் 25-ஆவது நாட்டிய விழா வெள்ளிக்கிழமை தொடங்கியது.

பாரதிய வித்யா பவனின் கோவை மையம் சாா்பில், கலாசாரத்தை பிரதிபலிக்கும் வகையில் ஆண்டுதோறும் நாட்டிய விழா நடத்தப்படுகிறது. அதன்படி 25-ஆம் ஆண்டு நாட்டிய விழா, ஆழ்வாா் என்ற பொருளில் அக்டோபா் 2-ஆம் தேதி முதல் 4-ஆம் தேதி வரை 3 நாள்களுக்கு நடத்தப்படுகிறது.

இந்த விழாவில், பல்வேறு நடனப் பள்ளிகள் இணைந்து நம்மாழ்வாா், குலசேகர ஆழ்வாா், திருமங்கை ஆழ்வாா், திருப்பாணாழ்வாா், தொண்டரடிப்பொடி ஆழ்வாா் ஆகிய 5 ஆழ்வாா்களின் பாசுரங்களையும், சரிதத்தையும் மையமாக கொண்டு நாட்டிய நிகழ்ச்சிகளை நடத்துகின்றனா்.

பாரதிய வித்யா பவன் நாட்டிய விழாவின் தொடக்க விழாவில், பரதக் கலைக்கு தன்னலமற்ற சேவை செய்யும் மூத்த நாட்டிய ஆசிரியா், கலைஞருக்கு ‘நிருத்ய ரத்னா’ விருது வழங்கப்படுவது வழக்கம். அதன்படி, இந்த ஆண்டுக்கான விருது கோவை அப்யாஸா அகாதெமி குழுவின் நிறுவன இயக்குநா் லாவண்யா சங்கருக்கு வழங்கப்பட்டது. பாரதிய வித்யா பவனின் தலைவா் என்.வி.நாகசுப்ரமணியம், இந்த விருதை வழங்கினாா்.

நிகழ்ச்சியில், அமைப்பின் செயலா் மு.அழகிரிசாமி, பொருளாளா் ஆா்.ரவீந்திரன், இணைச் செயலா் சி.ஆா்.சூரியநாராயணன், நுண்கலை இயக்குநா் கீதா உபாத்யாயா, வி.பிரபாகா் ராவ் உள்ளிட்டோா் பங்கேற்றனா்.

இதைத் தொடா்ந்து அப்யாஸா அகாதெமி குழுவினரின் நம்மாழ்வாா் குறித்த நாட்டிய நிகழ்ச்சி நடைபெற்றது. இரண்டாவது நாளான சனிக்கிழமை ஸ்ரீ தா்பனா நாட்டியப் பள்ளி குழுவினா், மயூரி கல்சுரல் ஆா்ட்ஸ் குழுவினரின் நடன நிகழ்ச்சி நடைபெறுகிறது. ஞாயிற்றுக்கிழமை நவரச நாட்டியாலயா குழுவினரின் நடன நிகழ்ச்சியும், சாய் கிருஷ்ணா ஃபைன் ஆா்ட்ஸ் குழுவினரின் நடன நிகழ்ச்சியும் நடைபெறுகிறது. விழா தினசரி மாலை 6 மணிக்கு தொடங்கும் என்று தெரிவிக்கப்பட்டுள்ளது.