விளையாட்டுப் போட்டியில் வென்ற மாணவர்களுக்குப் பாராட்டு

விளையாட்டுப் போட்டிகளில் வெற்ற பெற்ற சோலையாறு அணை அரசு மேல்நிலைப் பள்ளிமாணவர்களுக்கு பள்ளியில் பாராட்டு நிகழ்ச்சி நடைபெற்றது.
பொள்ளாச்சி கல்வி மாவட்ட அளவிலான விளையாட்டு போட்டிகள் கடந்த செவ்வாய்க்கிழமை பொள்ளாச்சியில் நடைபெற்றது. இதில் பல்வேறு அரசு மற்றும் தனியார் பள்ளிகளைச் சேர்ந்த மாணவர்கள் பங்கேற்றனர். இப்போட்டிகளில் வால்பாறையை அடுத்த சோலையாறு அணை அரசு மேல்நிலைப் பள்ளியைச் சேர்ந்த மாணவர்கள் பல போட்டிகளில் முதல் மூன்று பரிசுகளைப் பெற்று சாதனை படைத்துள்ளனர்.  பள்ளி தலைமை ஆசிரியர் மு.சிவசரவணன் தலைமையில் பள்ளி வளாகத்தில் புதன்கிழமை நடைபெற்ற நிகழ்ச்சியில் வெற்றி பெற்ற மாணவர்களுக்கு பாராட்டு தெரிவித்து பரிசுகள் வழங்கப்பட்டன.