லாரியை கடத்திய இருவர் கைது

லாரியைக் கடத்தியதாக வால்பாறை பகுதியைச் சேர்ந்த இருவரை போலீசார் கைது செய்தனர்.
பொள்ளாச்சியைச் சேர்ந்தவர் அப்பாதுரை (42). இவர் தனியார் லாரி டிரான்ஸ்போர்ட்டில் ஓட்டுநராக உள்ளார். அதே நிறுவனத்தில் கிளீனராக வால்பாறை எஸ்டேட் பகுதியைச் சேர்ந்த செந்தில்குமார் (38), மணிகன்டன் (34) ஆகியோர் பணியாற்றுகின்றனர். இவர்களுக்கு நிறுவனத்தில் இருந்து சரிவர சம்பளம் கொடுக்கவில்லை என்று தெரிகிறது. 
இந்நிலையில் வால்பாறையை அடுத்த முருகாளி எஸ்டேட் தொழிற்சாலைக்கு நிலக்கரி ஏற்றிக்கொண்டு அப்பாதுரை வந்துள்ளார். அப்போது கிளீனராகப் பணியாற்றி நின்ற இருவரும் அப்பாதுரையிடம் வாக்குவாதத்தில் ஈடுபட்டதோடு அங்கு நின்றிருந்த லாரியை கடத்திச் சென்றுள்ளனர். 
இது தொடர்பாக ஷேக்கல்முடி போலீசில் அப்பாதுரை கொடுத்த புகாரின்பேரில் வால்பாறை நகரில் நின்றிருந்த வாரியை பறிமுதல் செய்த போலீஸார், செந்தில்குமார், மணிகன்டன் ஆகிய இருவரையும் கைது செய்தனர்.