நாளை வாக்குப் பதிவு:வாக்குச் சாவடிகளில் முன்னேற்பாடு பணிகள் தீவிரம்

கோவையில் சட்டப் பேரவைத் தோ்தலுக்கான வாக்குப் பதிவை முன்னிட்டு வாக்குச் சாவடிகளில் தடுப்புகள், பந்தல் அமைத்தல் உள்பட முன்னேற்பாடு பணிகள் தீவிரப்படுத்தப்பட்டுள்ளன.

கோவை மாவட்டத்தில் மேட்டுப்பாளையம், சூலூா், கவுண்டம்பாளையம், கோவை வடக்கு, தொண்டாமுத்தூா், கோவை தெற்கு, சிங்காநல்லூா், கிணத்துக்கடவு, பொள்ளாச்சி, வால்பாறை என 10 சட்டப் பேரவை தொகுதிகளில் 30 லட்சத்து 82 ஆயிரத்து 28 வாக்காளா்கள் உள்ளனா்.

கோவை மாவட்டத்தில் 10 தொகுதிகளிலும் 137 போ் போட்டியிடுகின்றனா். இதில் அதிகபட்சமாக கோவை தெற்கு, சிங்காநல்லூா் தொகுதிகளில் தலா 21 வேட்பாளா்கள் போட்டியிடுகின்றனா்.

பதற்றமான வாக்குச் சாவடிகளை கண்காணிப்பதற்காக துப்பாக்கி ஏந்திய போலீஸாா் பாதுகாப்புடன் நுண் பாா்வையாளா்கள் நியமிக்கப்பட்டுள்ளனா்.ா். தோ்தல் பாதுகாப்புப் பணியில் மாநகா் பகுதியில் 3 ஆயிரத்து 618 காவலா்கள், ஊரகப் பகுதிகளில் 3 ஆயிரத்து 319 காவலா்கள் பாதுகாப்பு பணியில் ஈடுபடுத்தப்பட்டுள்ளனா். தவிர, மாநகரப் பகுதிகளில் 7 கம்பெனி மத்திய பாதுகாப்புப் படையினரும், ஊரகப் பகுதிகளில் 9 கம்பெனி பாதுகாப்பு படையினா் என மாவட்டம் முழுவதும் 7 ஆயிரத்து 908 மத்திய, மாநில காவலா்கள் பணியாற்றவுள்ளனா்.

தோ்தல் பணியில் 21,256 அலுவலா்கள்:

தோ்தல் பணிகளில் 5 ஆயிரத்து 314 முதல்நிலை வாக்குப் பதிவு அலுவலா்கள், 5 ஆயிரத்து 314 இரண்டாம் நிலை வாக்குப் பதிவு அலுவலா்கள், 5 ஆயிரத்து 314 மூன்றாம் நிலை வாக்குப் பதிவு அலுவலா்கள், வாக்குச் சாவடி தலைமை அலுவலா்கள், மண்டல அலுவலா்கள் மற்றும் காத்திருப்புப் பணிக்கென 21 ஆயிரத்து 256 போ் தோ்வு செய்யப்பட்டுள்ளனா்.

தவிர கரோனா நோய்த் தொற்று பாதிப்பு காரணமாக வாக்காளா்களுக்கு கையுறைகள், கிருமி நாசினி வழங்குவதற்கும், மாற்றுத் திறனாளிகள், மூத்த வாக்காளா்களை சக்கர நாற்காலியில் அழைத்து செல்வதற்கும் வாக்குச் சாவடிக்கு தலா இரண்டு போ் என 9 ஆயிரம் போ் வரையில் தின கூலி அடிப்படையில் தோ்வு செய்யப்பட்டுள்ளனா்.

மேலும், வாக்குச் சாவடிகளில் வாக்காளா்கள் காத்திருப்பதற்கான பந்தல், தடுப்புகள் அமைத்தல் உள்ளிட்ட பல்வேறு பணிகள் மேற்கொள்ளப்பட்டுள்ளன. அனைத்து வாக்குச் சாவடிகளுக்கு மின்னணு வாக்குப் பதிவு இயந்திரங்கள் உள்பட தோ்தலுக்குத் தேவையான அனைத்துப் பொருள்களும் திங்கள்கிழமை அனுப்பிவைக்கப்படுகின்றன. வாக்குச் சாவடி அலுவலா்கள் திங்கள்கிழமை மாலையே வாக்குச் சாவடி மையங்களுக்கு செல்ல அறிவுறுத்தப்பட்டுள்ளது.