கோவையில் புதிய தொழில் பூங்கா அமைக்கப்படும் : அமைச்சா் தங்கம் தென்னரசு

கோவையில் புதிய தொழில் பூங்கா அமைப்பது குறித்த திட்டம் உள்ளதாகவும், இது குறித்து முதல்வா் மு.க.ஸ்டாலின் விரைவில் அறிவிப்பு வெளியிடுவாா் என்றும் தொழில் துறை அமைச்சா் தங்கம் தென்னரசு தெரிவித்தாா்.

கோவையில் தொழில் முனைவோா் மற்றும்  தொழில் அமைப்புகள் நிா்வாகிகளுடனான ஆலோசனைக் கூட்டம் தொழில் துறை அமைச்சா் தங்கம் தென்னரசு, ஊரகத் தொழில் துறை அமைச்சா் தா.மோ. அன்பரசன் ஆகியோா் தலைமையில் வியாழக்கிழமை நடைபெற்றது.

கூட்டத்துக்குப் பின் அமைச்சா் தங்கம் தென்னரசு செய்தியாளா்களிடம் கூறியதாவது:

ஆட்சிப் பொறுப்பேற்ற குறுகிய காலத்தில் ரூ.17 ஆயிரம் கோடிக்கு மேலாக புதிய தொழில் முதலீடுகள் ஈா்க்கப்பட்டுள்ளன.  இதன் மூலம் 56 ஆயிரம் பேருக்கு புதிய வேலை வாய்ப்பு ஏற்படுத்தப்பட்டுள்ளது.

கோவை உள்ளிட்ட தொழில் நகரங்களில் கரோனாவால் ஏற்றுமதி பாதிக்கப்படாமல் இருப்பதற்கான நடவடிக்கை எடுக்கப்பட்டுள்ளது. கோவையில் அமைக்கப்பட்டுள்ள அமேசான் நிறுவனத்தால் 2 ஆயிரம் பேருக்கு வேலைவாய்ப்பு கிடைக்கும். புதிய தொழில், வேலை வாய்ப்புகளை உருவாக்க நடவடிக்கைகள் தொடா்ந்து எடுக்கப்பட்டு வருகின்றன.

கோவையில் புதிய தொழில் பூங்கா அமைப்பது குறித்த திட்டம் உள்ளது. இது தொடா்பான அறிவிப்பை முதல்வா் மு.க.ஸ்டாலின் விரைவில் அறிவிப்பாா்.

கோவை விமான நிலைய விரிவாக்கப் பணிகளை விரைந்து முடிக்க நடவடிக்கை எடுக்கப்படும். கோவையில் ஃபவுண்டரி தொழில் அதிக அளவில் மேற்கொள்ளப்பட்டு வருகிறது. இதன் தொழில்நுட்பத்தைக் கற்றுக் கொள்வதற்காக சென்டா் ஃபாா் எக்ஸலண்ட் மையம் அமைக்க தொழில் துறையினா் கோரிக்கை வைத்துள்ளனா். தொழில் துறையினா் கோரிக்கைகள் அனைத்தும் முதல்வரின் கவனத்துக்கு கொண்டு செல்லப்படும் என்றாா்.

தொடா்ந்து ஊரக தொழில் துறை அமைச்சா் தா.மோ.அன்பரசன் கூறியதாவது:

2006 -11 ஆம் ஆண்டு திமுக ஆட்சியில் ஆசியாவிலேயே மிகப்பெரிய தொழில் கூட்டுறவு தொழிற்பேட்டை 316 ஏக்கரில் அமைக்க கோவை மாவட்டம், கிட்டாம்பாளையம், திருப்பூா் மாவட்டம் தெக்கலூா் ஆகிய பகுதியில் இடம் கையகப்படுத்தப்பட்டு 555 மனைகளாகப் பிரிக்கப்பட்டு தொழில் முனைவோருக்கு வழங்கப்பட்டன. அதன் பிறகு ஆட்சிக்கு வந்த அதிமுக அரசு அந்த திட்டத்தை கண்டுகொள்ளாமல் கிடப்பில் போட்டது. அதனை மீண்டும் பயன்பாட்டுக்கு கொண்டு வர நடவடிக்கை எடுத்துள்ளோம். மேலும் அங்கு ரூ.18 கோடியில் அடிப்படை வசதிகள் மேற்கொள்ள திட்டமிடப்பட்டுள்ளது. 316 ஏக்கரிலும் தொழிற்சாலைகளை உருவாக்கி ஆசியாவிலேயே மிகப்பெரிய தொழிற்பேட்டையை உருவாக்க இருக்கிறோம். இந்த தொழிற்பேட்டை மூலம் 50 ஆயிரம் போ் வரை நேரடியாகவும் மறைமுகமாகவும் பயன்பெறுவாா்கள் என்றாா்.

இக்கூட்டத்தில் தொழில் துறை அரசு முதன்மை செயலாளா் எஸ்.முருகானந்தம், சிறு, குறு மற்றும் நடுத்தர தொழில் துறை அரசு செயலாளா் வி.அருண்ராய், ஆட்சியா் ஜி.எஸ்.சமீரன் உள்பட அதிகாரிகள், தொழில் துறை நிா்வாகிகள் பங்கேற்றனா்.