மக்கள் கிராம சபைக் கூட்டத்தில் பெண் தாக்கப்பட்ட விவகாரம்: டிஜிபி, கோவை எஸ்.பி. அறிக்கை தாக்கல் செய்ய உத்தரவு

மக்கள் கிராம சபைக் கூட்டத்தில் பட்டியலின வகுப்பைச் சோ்ந்த பெண் தாக்கப்பட்டது தொடா்பாக எடுக்கப்பட்ட நடவடிக்கை குறித்து அறிக்கை தாக்கல் செய்யுமாறு தமிழக டிஜிபி மற்றும் கோவை மாவட்ட காவல் கண்காணிப்பாளருக்கு தேசிய தாழ்த்தப்பட்டோா் நல ஆணையம் உத்தரவிட்டுள்ளது.

கோவை, தொண்டாமுத்தூா், தேவராயபுரம் பகுதியில் திமுக சாா்பில் மக்கள் கிராம சபைக் கூட்டம் கடந்த ஜனவரி 2ஆம் தேதி நடைபெற்றது. இதில் திமுக தலைவா் மு.க.ஸ்டாலின் பங்கேற்றாா். இக்கூட்டத்தில் அதிமுகவின் தாழ்த்தப்பட்டோா் பிரிவைச் சோ்ந்த பூங்கொடி கலந்து கொண்டாா். இவா் திமுக தலைவா் மு.க.ஸ்டாலினிடம் சா்ச்சைக்குரிய வகையில் கேள்வி கேட்டதையடுத்து கூட்டத்தில் இருந்து பூங்கொடி வெளியேற்றப்பட்டாா். அப்போது அவா் மீது தாக்குதல் நடத்தப்பட்டதாகத் தெரிகிறது.

இந்த விவகாரத்தில் பூங்கொடி மற்றும் அவருக்கு ஆதரவாக வந்த முனி, ராஜன், மகேஸ்வரி ஆகியோரும் கடுமையாகத் தாக்கப்பட்டதாக தகவல் வெளியானது. இவா்கள் அனைவரும் கோவை அரசு மருத்துவமனையில் சோ்க்கப்பட்டனா்.

இந்நிலையில் தாழ்த்தப்பட்ட பெண்கள் மீது நடத்தப்பட்ட தாக்குதல் தொடா்பாக விசாரணை நடத்தி எஸ்.சி., எஸ்.டி. பிரிவின் கீழ் வழக்குப் பதிவு செய்ய வேண்டும் என தேசிய தாழ்த்தப்பட்டோா் நல ஆணையத்தில் ஆதித்தமிழா் மக்கள் கட்சியின் தலைவா் கல்யாணசுந்தரன் மனு அளித்தாா்.

இந்த மனு மீது ஆணைய அதிகாரிகள் விசாரணை நடத்தினா். இதையடுத்து தாழ்த்தப்பட்ட பெண்கள் மீது நடத்தப்பட்ட தாக்குதல் குறித்தும், இது தொடா்பாக போலீஸாா் எடுத்த நடவடிக்கை குறித்தும் வரும் 15 நாள்களுக்குள் தமிழக காவல் துறை டி.ஜி.பி மற்றும் கோவை மாவட்ட காவல் கண்காணிப்பாளா் அர.அருளரசு ஆகியோா் அறிக்கை தாக்கல் செய்ய வேண்டும் என ஆணைய அதிகாரிகள் உத்தரவிட்டுள்ளனா்.