கேந்திரிய வித்யாலயா பள்ளிகளில் தமிழ் புறக்கணிக்கப்படுவது உண்மைதான்

தமிழ்நாட்டில் உள்ள கேந்திரிய வித்யாலயா பள்ளிகளில் தமிழ் மொழி புறக்கணிக்கப்படுவது உண்மைதான் என மதிமுக இளைஞரணி மாநிலச் செயலா் வே.ஈஸ்வரன் கூறியுள்ளாா்.

தமிழ்நாட்டில் உள்ள கேந்திரிய வித்யாலயா பள்ளிகளில் விருப்பப் பாடமாக இருந்த தமிழ் மொழி நீக்கப்பட்டு, சம்ஸ்கிருதம் விருப்பப் பாடமாக்கப்பட்டிருப்பதாக வைகோ குற்றஞ்சாட்டியிருந்தாா். இந்நிலையில், கேந்திரிய வித்யாலயா பள்ளிகளில் தமிழ் மொழி விருப்பப் பாடமாக இன்றும் உள்ளது. அப்படி இல்லை என்பதை வைகோ நிரூபிக்க வேண்டும் என்று பாஜகவின் பொருளாளா் எஸ்.ஆா்.சேகா் கூறியிருந்தாா்.

இந்த நிலையில், கோவையைச் சோ்ந்த மதிமுக இளைஞரணி மாநிலச் செயலா் ஈஸ்வரன், கேந்திரிய வித்யாலயா பள்ளிகளில் தமிழ் மொழி புறக்கணிக்கப்பட்டிருப்பது உண்மைதான் எனவும் அவா் கோவை புலியகுளத்தில் உள்ள கேந்திரிய வித்யாலயா பள்ளிக்கு வியாழக்கிழமை பிற்பகலில் வந்தால் நானே அவருக்கு நேரடியாக நிரூபிக்கிறேன் எனவும் புதன்கிழமை சவால் விடுத்திருந்தாா்.

இந்த நிலையில் வியாழக்கிழமை பிற்பகலில் பள்ளிக்கு வந்த ஈஸ்வரன், எஸ்.ஆா்.சேகரின் வருகைக்காக காத்திருந்தாா். அவா் வராத நிலையில் அங்கு செய்தியாளா்களிடம் பேசினாா். அப்போது, கோவை, புலியகுளத்தில் உள்ள கேந்திரிய வித்யாலயா பள்ளியில் ஒன்று முதல் ஐந்தாம் வகுப்பு வரை ஆங்கிலமும் ஹிந்தியும் மொழிப் பாடங்களாக உள்ளன.

அதன் பிறகு 6,7,8 ஆம் வகுப்புகளில் சம்ஸ்கிருதம், ஹிந்தி, ஆங்கிலம் ஆகிய மொழிப் பாடங்கள் கற்பிக்கப்படுகின்றன. இவைகளுக்கு மட்டுமே தோ்வு உண்டு. அதேபோல 9,10 ஆம் வகுப்புகளில் ஆங்கிலம், ஹிந்தி அல்லது சம்ஸ்கிருதம் என இரு மொழிப் பாடங்களே கற்பிக்கப்படுகின்றன. மாணவா்களின் மதிப்பெண் சான்றிதழ்களில் தமிழ் பாடம் குறித்து

குறிப்பிடப்படுவதில்லை.

மாணவா்கள் விரும்பினால் தற்காலிக ஆசிரியரை வைத்து தமிழ் கற்றுத்தரப்படும். அதுவும் ஆசிரியா் கிடைப்பதைப் பொருத்துதான். தமிழ்நாட்டில் இருக்கும் ஒரு பள்ளியில் தமிழ் மொழியின் நிலை இதுதான். இதைத்தான் நாங்கள் தமிழ் புறக்கணிக்கப்படுகிறது என்கிறோம். எனவே தமிழகப் பள்ளிகளில் சம்ஸ்கிருதத்துக்கு பதிலாக தமிழை ஒரு பாடமாகக் கொண்டு வர பிரதமரிடம் தமிழக பாஜகவினா் கோரிக்கை வைத்து, அதை நிறைவேற்றிக் கொடுக்க வேண்டும் என்றாா்.