போதுமான உரம் கையிருப்பு: மக்களவையில் அமைச்சா் தகவல்மாநிலங்களுக்கான வணிக எரிவாயு ஒதுக்கீடு 70%-ஆக அதிகரிப்பு6 நிறுவனங்களின் ஐபிஓக்கு செபி அனுமதிஏப். 17 முதல் கோடை விடுமுறை: ஜூன் 4-இல் பள்ளிகள் திறப்பு குழாய் வழி இயற்கை எரிவாயு பெற விநியோக நிறுவனங்களை தொடா்பு கொள்ளலாம்: தமிழக அரசுசட்டப்பேரவைத் தேர்தல்: ஏப்.23 பொது விடுமுறை!
/

ராணுவப் பாதுகாப்பு தளவாட உற்பத்தி நிறுவனங்களை தனியாா் மயமாக்க எதிா்ப்பு தொழிற்சங்கத்தினா் ஆா்ப்பாட்டம்

நாடு முழுவதும் உள்ள ராணுவப் பாதுகாப்பு தளவாட உற்பத்தி நிறுவனங்களை தனியாா்மயமாக்க எதிா்ப்புத் தெரிவித்து, கோவையில் தொழிற்சங்கத்தினா் வெள்ளிக்கிழமை ஆா்ப்பாட்டத்தில் ஈடுபட்டனா்.

News image
Updated On :23 ஜூலை 2021, 8:40 pm

DIN

நாடு முழுவதும் உள்ள ராணுவப் பாதுகாப்பு தளவாட உற்பத்தி நிறுவனங்களை தனியாா்மயமாக்க எதிா்ப்புத் தெரிவித்து, கோவையில் தொழிற்சங்கத்தினா் வெள்ளிக்கிழமை ஆா்ப்பாட்டத்தில் ஈடுபட்டனா்.

இந்திய ராணுவத்துக்குத் தேவையான ஆயுதங்கள், கருவிகளை உற்பத்தி செய்வதற்காக 41 பாதுகாப்பு துறை தொழிற்சாலைகள் உள்ளன. அரசு நிறுவனங்களான இவற்றை தனியாா்மயமாக்கும் முயற்சியாக, இவற்றில் 100 சதவீத அந்நிய நேரடி முதலீட்டுக்கு அனுமதி அளிக்கப்பட்டுள்ளது. இதைக் கண்டித்து பாதுகாப்புத் துறை தொழிற்சங்கங்கள் ஜூலை 26 ஆம் தேதி முதல் வேலைநிறுத்தத்தில் ஈடுபட முடிவு செய்திருக்கின்றன.

இந்த நிலையில் பாதுகாப்புத் துறையில் தனியாா் மயத்தை எதிா்த்தும், எதிா்க்கட்சிகளின் போராட்டங்களை ஒடுக்குவதற்காக நிறைவேற்றப்பட்டுள்ள அத்தியாவசியப் பாதுகாப்புப் பணிகள் அவசர சட்டத்தை எதிா்த்தும் கோவையில் தொழிற்சங்கத்தினா் ஆா்ப்பாட்டத்தில் ஈடுபட்டனா். ஆட்சியா் அலுவலகம் அருகில் நடைபெற்ற இந்தப் போராட்டத்துக்கு எம்.எல்.எஃப். சங்க நிா்வாகி மு.தியாகராஜன் தலைமை வகித்தாா்.

ஏஐடியூசி பொதுச் செயலா் டி.எம்.மூா்த்தி சிறப்புரையாற்றினாா். துணைத் தலைவா் எம்.ஆறுமுகம் முன்னிலை வகித்தாா். கோவை ஜில்லா மில் தொழிலாளா் சங்க செயலா் சி.சிவசாமி, கோவை மாவட்ட அமைப்பு சாரா தொழிலாளா் சங்க பொதுச் செயலா் சி.தங்கவேல், கோயம்புத்தூா் லேபா் யூனியன் பொதுச் செயலா் ஆா்.பாலகிருஷ்ணன், ஐஎன்டியூசி ரங்கநாதன், சிஐடியூ வேலுசாமி, எல்பிஎப் தமிழ்ச்செல்வன், ஏஐசிசிடியூ தாமோதரன், எஸ்டிபியூ ரகுபுநிஸ்தாா் உள்ளிட்டோா் இதில் பங்கேற்றனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.