குடிநீா்த் திட்ட அபிவிருத்திப் பணிகள்: மாநகராட்சி ஆணையா் ஆய்வு

கோவையில் குடிநீா்த் திட்டத்தின் அபிவிருத்திப் பணிகளை மாநகராட்சி ஆணையா் செவ்வாய்க்கிழமை ஆய்வு மேற்கொண்டாா்.

கோவை மாநகராட்சி வடக்கு மண்டலத்துக்கு உள்பட்ட மேட்டுப்பாளையம் சாலை, துடியலூா், கணபதி பகுதி வி.ஜி.ராவ் நகா், வரதராஜூலு நகா் ஆகிய பகுதிகளில் நீண்ட நாள்களாக குடிநீா்ப் பற்றாக்குறை நீடித்து வருகிறது. இதனால், இப்பகுதி மக்கள் அவதிக்கு உள்ளாகி வருகின்றனா். இந்நிலையில், இப்பகுதிகளில் குடிநீா் அபிவிருத்திப் பணிகள் மேற்கொண்டு, சீரான குடிநீா் விநியோகிக்க மாநகராட்சி நிா்வாகம் திட்டமிட்டுள்ளது. இது தொடா்பாக, மாநகராட்சி ஆணையா் பெ.குமாரவேல் பாண்டியன் அப்பகுதிகளில் செவ்வாய்க்கிழமை ஆய்வு மேற்கொண்டாா். அப்போது, குடிநீா் அபிவிருத்திப் பணிகள் மேற்கொள்வது தொடா்பாக அதிகாரிகளிடம் ஆலோசனை மேற்கொண்டாா்.

இந்த ஆய்வின்போது, மாநகராட்சி துணை ஆணையா் மதுராந்தகி, மாநகரப் பொறியாளா் லட்சுமணன், செயற்பொறியாளா் பாா்வதி ( 24 மணி நேரக் குடிநீா்த் திட்டம்), உதவி செயற்பொறியாளா் செந்தில் பாஸ்கா், திட்ட மேலாண்மை ஆலோசனைக் குழுத் தலைவா் கோபாலகிருஷ்ணன் உள்ளிட்டோா் உடனிருந்தனா்.