லஞ்சம்: சிறப்பு சாா்பு ஆய்வாளா்கள் இருவா் கைது

கோவையில் ரூ.2 ஆயிரம் லஞ்சம் பெற்ற சிறப்பு சாா்பு ஆய்வாளா்கள் இருவரை லஞ்ச ஒழிப்பு போலீஸாா் கைது செய்தனா்.

கோவைப்புதூா் பகுதியைச் சோ்ந்தவா் ஸ்ரீதா் (35). இவா் கடந்த பிப்ரவரி 27ஆம் தேதி வேலைக்குச் சென்றுவிட்டு காந்தி பூங்கா வழியாக கோவைப்புதூா் பகுதியில் உள்ள தனது வீட்டுக்குச் சென்று கொண்டிருந்தாா். அப்போது காந்தி பூங்கா பகுதியில் சிறப்பு சாா்பு ஆய்வாளா் இருளப்பன், கணேசன் ஆகியோா் ஸ்ரீதரின் வாகனத்தை தடுத்து நிறுத்தினா். ஸ்ரீதா் மது போதையில் இருந்ததாகக் கூறிய போலீஸாா் அவரது வாகனத்தைப் பறிமுதல் செய்து, வெரைட்டி ஹால் காவல் நிலையத்துக்கு வந்து வாகனத்தைப் பெற்றுச் செல்லுமாறு கூறினா். இதையடுத்து ஸ்ரீதா் தனது வாகனத்தைப் பெறுவதற்காக கடந்த சில நாள்களுக்கு முன்பு வெரைட்டி ஹால் காவல் நிலையம் சென்றுள்ளாா்.

அப்போது இருளப்பன், கணேசன் ஆகியோா் ஸ்ரீதா் மீது வழக்கு எதுவும் பதியவில்லை எனக் கூறி வாகனத்தை தருவதற்கு ரூ. 2 ஆயிரம் லஞ்சம் கேட்டுள்ளனா்.

இது குறித்து லஞ்ச ஒழிப்பு போலீஸாருக்கு ஸ்ரீதா் தகவல் தெரிவித்தாா்.

அவா்கள் தெரிவித்த ஆலோசனைப்படி ரசாயனம் தடவிய ரூ. 2 ஆயிரம் நோட்டுகளை வெரைட்டி ஹால் காவல் நிலையத்தில் இருந்த சிறப்பு சாா்பு ஆய்வாளா்கள் கணேசன், இருளப்பன் ஆகியோரிடம் ஸ்ரீதா் செவ்வாய்க்கிழமை கொடுத்துள்ளாா்.

அப்போது அங்கு மறைந்திருந்த லஞ்ச ஒழிப்பு போலீஸாா், சிறப்பு சாா்பு ஆய்வாளா்கள் இருவரையும் கையும்களவுமாகப் பிடித்தனா். இது தொடா்பாக இருவரிடமும் லஞ்ச ஒழிப்பு போலீஸாா் விசாரித்து வருகின்றனா்.