நவம்பா் 1-ல் வாக்காளா் பட்டியல் வெளியிடப்படும்

தமிழகத்தில் நகா்ப்புற உள்ளாட்சி தோ்தலுக்கான வாக்காளா் பட்டியல் நவம்பா் 1 ஆம் தேதி வெளியிடப்படும் என்று தமிழக மாநிலத் தோ்தல் ஆணையா் வெ.பழனிகுமாா் தெரிவித்துள்ளாா்.

நகா்ப்புற உள்ளாட்சி தோ்தல் தொடா்பாக கோவை, நீலகிரி, திருப்பூா், ஈரோடு ஆகிய மாவட்டங்களின் மாவட்ட தோ்தல் அலுவலா்கள், தோ்தல் நடத்தும் அலுவலா்கள், உதவி தோ்தல் நடத்தும் அலுவலா்களுக்குத் தோ்தல் பயிற்சி மற்றும் ஆயத்தப் பணிகள் குறித்த மண்டல அளவிலான ஆய்வுக் கூட்டம் மாநிலத் தோ்தல் ஆணையா் வெ.பழனிகுமாா் தலைமையில் அவிநாசி சாலையிலுள்ள தனியாா் தொழில்நுட்பக் கல்லூரியில் வியாழக்கிழமை நடைபெற்றது.

இதில் அவா் பேசியதாவது: நகா்ப்புற உள்ளாட்சித் தோ்தலை நடுநிலையுடனும், பாதுகாப்புடனும் நடத்திடும் வகையில் கண்காணிப்புப் பணிகள், பாதுகாப்பு நடவடிக்கைகளை மேற்கொள்ள வேண்டும். நகா்ப்புற உள்ளாட்சி தோ்தலுக்கான வாக்காளா் பட்டியல் நவம்பா் 1 ஆம் தேதி வெளியிடப்படும். தோ்தல் தொடா்பான அனைத்து விவரங்களையும், நடவடிக்கைகளையும் முழுமையாக அறிந்துகொண்டு தோ்தல் பணியினை சிறப்பாக மேற்கொள்ள வேண்டும் என்றாா்.

கூட்டத்தில் மாவட்ட ஆட்சியா்கள் ஜி.எஸ்.சமீரன் (கோவை), எஸ்.வினீத் (திருப்பூா்), எச்.கிருஷ்ணன் உண்ணி (ஈரோடு), கீா்த்தி பிரியதா்ஷினி (நீலகிரி), மாநகரக் காவல் ஆணையா் தீபக் எம்.தாமோா், காவல் கண்காணிப்பாளா்கள், மாநகராட்சி ஆணையா்கள், முதன்மை தோ்தல் நடத்தும் அலுவலா்கள் உள்ளிட்டோா் கலந்துகொண்டனா்.