அரசு வேலை வாங்கித் தருவதாக ரூ.11.50 லட்சம் மோசடி: முதியவா் கைது

கோவையில் அரசு வேலை வாங்கித் தருவதாகக் கூறி ரூ.11.50 லட்சம் மோசடி செய்த முதியவரை போலீஸாா் கைது செய்தனா்.

இது தொடா்பாக மாவட்ட காவல் கண்காணிப்பாளா் அலுவலகம் வெளியிட்டுள்ள செய்திக் குறிப்பு: திருப்பூா் மாவட்டத்தைச் சோ்ந்தவா் வெற்றிவேல். இவரது நண்பா் குணசேகரன். இவா் தனக்கு ரயில்வே துறையில் வேலை கிடைத்துள்ளதாக இன்ஸ்டாகிராமில் பதிவிட்டுள்ளாா்.

இதனைப் பாா்த்த வெற்றிவேல், குணசேகரனை கைப்பேசியில் தொடா்பு கொண்டு ரயில்வே துறையில் எப்படி வேலை கிடைத்தது என்பது குறித்து விசாரித்ததோடு, தனக்கும் ரயில்வேயில் வேலை வாங்கித் தரும்படி கூறியுள்ளாா்.

அதற்கு கோவில்பாளையம் பகுதியில் வசிக்கும் மோகன்ராஜ் (60) என்பவா்தான் தனக்கு ரயில்வேயில் வேலை வாங்கித் தந்ததாக குணசேகரன் கூறியுள்ளாா்.

இதையடுத்து, மோகன்ராஜை சந்தித்த வெற்றிவேல் தனக்கு ரயில்வே துறையில் வேலை வாங்கித் தரும்படி கூறியுள்ளாா். அதற்கு மோகன்ராஜ் ரூ.11.50 லட்சம் கேட்டுள்ளாா். இதையடுத்து, வெற்றிவேல் மொத்த பணத்தையும் கொடுத்துள்ளாா். பணத்தைப் பெற்றுக்கொண்ட மோகன்ராஜ் வேலை வாங்கித் தராமல் காலம் தாழ்த்தி வந்துள்ளாா். கொடுத்த பணத்தை கேட்டும் அவா் கொடுக்கவில்லை. தான் ஏமாற்றப்பட்டதை உணா்ந்த வெற்றிவேல் மாவட்ட காவல் கண்காணிப்பாளா் வெ.பத்ரிநாராயணனிடம் புகாா் அளித்தாா்.

இதையடுத்து, வழக்குப் பதிவு செய்த போலீஸாா் தீவிர விசாரணை நடத்தி, வேலை வாங்கித் தருவாகக் கூறி மோசடியில் ஈடுபட்ட மோகன்ராஜை (60) வெள்ளிக்கிழமை கைது செய்தனா் எனத் தெரிவிக்கப்பட்டுள்ளது.