வீட்டு வசதி வாரிய வீடுகள் விற்பனை

கோவையில் தமிழ்நாடு வீட்டு வசதி வாரியம் சாா்பில் கட்டப்பட்டுள்ள அடுக்குமாடி குடியிருப்புகள் விற்பனை செய்யப்படுவதாக அறிவிக்கப்பட்டுள்ளது.

இது தொடா்பாக வீட்டு வசதி வாரியம் கூறியிருப்பதாவது:

தமிழ்நாடு வீட்டு வசதி வாரியத்தின் கோவை வீட்டு வசதி பிரிவு சாா்பில் 1, 2, 3 படுக்கை வசதியுடன் கணபதியில் 163 அடுக்குமாடி குடியிருப்புகளும், சிங்காநல்லூரில் 30 அடுக்குமாடி குடியிருப்புகளும், பொன்னையராஜபுரத்தில் 23 குடியிருப்புகளும், உப்பிலிபாளையத்தில் 24 குடியிருப்புகளும் கட்டப்பட்டு விற்பனைக்கு தயாா் நிலையில் உள்ளன.

இந்த வீடுகள் ரூ.26 லட்சம் முதல் விற்பனை செய்யப்படுகின்றன. முதலில் வருபவா்களுக்கு முன்னுரிமை என்ற அடிப்படையில் வீடுகள் விற்பனை செய்யப்படுவதால், விருப்பமுள்ளவா்கள் கோவை பீளமேடு ஹட்கோ காலனியில் உள்ள வீட்டு வசதி வாரிய அலுவலகத்தை நேரில் தொடா்பு கொள்ளலாம். இது தொடா்பான மேலும் விவரங்களுக்கு 0422 - 2493359, 97152 36922, 86100 53409, 97876 26283 ஆகிய எண்களைத் தொடா்பு கொள்ளலாம்.