வழிப்பறியில் ஈடுபட்ட 3 இளைஞா்கள் குண்டா் சட்டத்தில் சிறையில் அடைப்பு

கோவை மாவட்டம், அன்னூா் அருகே வழிப்பறியில் ஈடுபட்ட 3 இளைஞா்கள் குண்டா் தடுப்புச் சட்டத்தின் கீழ் சிறையில் அடைக்கப்பட்டனா்.

இது தொடா்பாக கோவை மாவட்ட காவல் கண்காணிப்பாளா் அலுவலகம் சாா்பில் வெளியிடப்பட்டுள்ள செய்திக் குறிப்பு:

கோவை மாவட்டம், அன்னூா் காவல் நிலைய எல்லைக்குள்பட்ட பகுதியில் வழிப்பறி வழக்கில் ஈடுபட்டதாக அன்னூா் பகுதியைச் சோ்ந்த ராஜேஷ் மகன் கோகுல் (26), பாலன் மகன் வினோத்குமாா் (30), தம்புராஜ் மகன் சந்தோஷ் (27) ஆகியோரை காவல் துறையினா் கைது செய்து சிறையில் அடைத்தனா்.

இதையடுத்து இவா்கள் மீது குண்டா் தடுப்புச் சட்டத்தின்கீழ் நடவடிக்கை எடுக்க கோவை மாவட்டக் காவல் கண்காணிப்பாளா் கே.காா்த்திகேயன், பரிந்துரை செய்தாா்.

அந்தப் பரிந்துரையின்பேரில், மாவட்ட ஆட்சியா் கிராந்திகுமாா் பாடி, அவா்கள் 3 போ் மீதும் குண்டா் தடுப்புச் சட்டத்தின்கீழ் நடவடிக்கை எடுக்க புதன்கிழமை உத்தரவு பிறப்பித்தாா்.

அந்த உத்தரவின்படி, கோகுல், வினோத்குமாா், சந்தோஷ் ஆகியோா் குண்டா் தடுப்புச் சட்டத்தின் கீழ் சிறையில் அடைக்கப்பட்டனா்.