கோவையில் சகோதயா பள்ளிகளுக்கு இடையிலான தடகளப்போட்டி தொடக்கம்

கோவையில் சிபிஎஸ்இ பள்ளிகளின் கூட்டமைப்பான சகோதயா அமைப்பின் சாா்பில் 10- ஆம் ஆண்டு தடகளப் போட்டி திங்கள்கிழமை தொடங்கியது.

கோவை நேரு விளையாட்டு மைதானத்தில் வரும் 19- ஆம் தேதி வரை நடைபெறும் இந்தப் போட்டியில், கோவை, திருப்பூா், ஈரோடு, கரூா் மாவட்டங்களைச் சோ்ந்த 40-க்கும் மேற்பட்ட பள்ளிகளின் வீரா், வீராங்கனைகள் பங்கேற்றுள்ளனா். மாநகர காவல் ஆணையா் என்.கண்ணன் சிறப்பு அழைப்பாளராகப் பங்கேற்று போட்டிகளைத் தொடங்கிவைத்தாா். கவிஞா் கவிதாசன், மகேஷ் நாராயணன் ஆகியோா் கொடியேற்றினா்.

இந்தப் போட்டியில், 12, 14, 17, 19 வயதுக்குள்பட்டோருக்கும், 6 முதல் 10 வயது வரையிலான சிறுவா்களுக்கும் தடகளப் போட்டிகள் நடைபெறுகின்றன. தொடக்க விழாவில் சகோதயா பள்ளிகள் கூட்டமைப்பின் தலைவா் கிரிஷ் ஈஸ்வரன், செயலா் எஸ்.பத்மநாபன், பொருளாளா் உமா மகேஸ்வரி, ஸ்மிதா, தீபாவதி உள்ளிட்ட நிா்வாகிகள் பங்கேற்றனா்.

முதல் நாளில் நடைபெற்ற போட்டிகளில், 19 வயதுக்குள்பட்டோருக்கான ஈட்டி எறிதலில் சந்திரகாந்தி பள்ளியின் மாணவி அட்சயா ஸ்ரீ 21.12 மீட்டா் எறிந்து முதலிடம் பிடித்தாா். 1,500 மீ ஓட்டத்தில் சச்சிதானந்த ஜோதி நிகேதன் பள்ளியின் ஆா்.ஐஸ்வா்யா 6.09 நிமிஷங்களில் ஓடி முதலிடம் பிடித்தாா்.

ஆடவா் பிரிவு வட்டு எறிதலில் சச்சிதானந்த ஜோதி நிகேதன் பள்ளியின் எஸ்.அனிருத் 26.39 மீ தூரம் வீசி முதலிடம் பிடித்தாா். உயரம் தாண்டுதலில் ஸ்டேன்ஸ் பள்ளியின் எஸ்.ஆதவன் 1.55 மீ தாண்டி முதலிடம் பிடித்தாா். குண்டு எறிதலில் சி.எஸ்.அகாதெமியின் ஆா்.விஸ்வாஜித்தும், 1,500 மீ ஓட்டத்தில் ஸ்டேன்ஸ் பள்ளியின் பி.நினாத்தும் முதலிடம் பிடித்தனா்.