வால்பாறையில் பழங்குடியின மக்கள் ஆா்ப்பாட்டம்

கான்கிரீட் வீடு கட்டிக் கொடுக்க வேண்டும் என்பது உள்ளிட்ட பல்வேறு கோரிக்கைகளை வலியுறுத்தி வால்பாறையில் பழங்குடியின மக்கள் வியாழக்கிழமை ஆா்ப்பாட்டத்தில் ஈடுபட்டனா்.

வால்பாறையை அடுத்த ஆனைமலை டாப்சிலிப் இடையே அமைந்துள்ளது கூமாட்டி செட்டில்மெண்ட். இங்கு 100-க்கும் மேற்பட்ட பழங்குடியின மக்கள் வசித்து வரும் நிலையில், அவா்கள் வால்பாறை காந்தி சிலை முன் வியாழக்கிழமை ஆா்ப்பாட்டத்தில் ஈடுபட்டனா்.

அப்போது, அவா்கள் கூறியதாவது: செட்டில்மெண்டில் வசிக்கும் தங்களுக்கு தரமான முறையில் கான்கிரீட் வீடுகளை கட்டிக் கொண்டுக்க வேண்டும். மேலும், மின்சார வசதியும் ஏற்படுத்திக் கொடுக்க வேண்டும். மக்கள் தொகை கணக்கெடுப்பில் கூமாட்டி கிராம மக்களை வேட்டைகாரன்புதூா் பேரூராட்சியில் இணைக்க வேண்டும். முதியோா் உதவித் தொகை பெறும் பயனாளிகளுக்கு தபால் துறை மூலம் கிராமத்துக்கே வந்து தொகைகளை வழங்க வேண்டும் என்றனா்.

மேலும், கோரிக்கைகளை வலியுறுத்தி கோஷம் எழுப்பினா்.